الوسم: الجميلة

النهارده عملت فطير حلو باللبن والسكر والزبيب

بنفس طريقة الفطاطرى

فى فرد العجينة وتطبيقها

والحمد لله طلع رائع وطعمه حلو جدا

المقادير

3كوب ونصف دقيق (كوب صغير)

حوالى 50 جرام

ماء دافىء للعجن حسب ماالدقيق يحتاج

الحشو

زبيب وجوز هند وسودانى وقشطة ولبن وسكر وسمنة طبعا

الطريقة

بالنسبة للعجينة

حطيت الدقيق وحطيت الميه شوية شوية

لغاية مابقت عندى عجينة طرية

وسبتها ترتاح ساعة

بعد ماسبت العجينة ترتاح

دهنت الترابيزة سمنة وفردت العجينة

فردتها بالنشابة عادى

وبعد كده فردت شوية بايدى

اهم حاجة طبعا ان العجينة تبقى شفافة وتبين اللى تحتها عشان تطلع الفطيرة مورقة معاكى

جبت الزبيب وجوز الهند والسودانى هما طبعا مخلوطين على بعض

حطيتهم فى نص العجينة

بالشكل ده والكمية اللى تحبيها

بعد ماحطتهم

طبعا العجينة ليها اربع اطراف

طبقت عليهم طرفين بس من العجينة

وجيت ع العجينة اللى فوق الحشو بس حطيت سمنة

وحطيت قشطة ع السمنة

وبعدها طبقت الطرفين الباقيين

وقفلت عليها من كل النواحى عشان الحشو مينزلش منها

ودهنت صينية كبيرة سمنة

وحطيت فيها الفطيرة

بس قلبتها

يعنى اللى كان فوق بقى تحت

ويستحسن تحطى حاجة فيها ميه تحت صينية الفطير عشان الفطيرة تبقى طرية

والعجينة فى الفرن حضرت كوباية لبن يعنى مج تقريبا ودوبت فيه سكر

بردو السكر حسب مابتحبى

بعد مامرت ربع ساعة ع العجينة فى الفرن

حطيت عليها اللبن بالسكر

وقفلت الفرن عشان تكمل سواها

لما وشها احمر من فوق طفيت

انا بساوى على درجة حرارة هادية اوى عشان متنشفش منى

بعد كده شغلت الشواية لمدة 5 دقايق بس

عشان تاخد من فوق لمعة

وطلعتها وقطعتها

وبالهنا والشفا