هلا والله اشتقت لكم وللمنتدى
ارجو تشاركوني موضوعي ان كل وحده تكتب طريقة العنايه بنفسها ان كانت عروس او صارت او بتصير انشاالله للاستفاده الجماعيه
ويارب تشاركوني
انا بكون اول المشاركات
اولا اخذ فيتامينات من الصيدليه او من جي ان سي للشعر والصحه العامه
الشعر استخدم خلطه من الثوم المطحون مع زيت زيتون وزيت الجرجير 2 مره بلالسبوع +حمامات الزيت المشهوره
الوجه استخدم غسول نيتروجينا واحط معاه بيكربونات الصوديوم مررره خطيييييير ويفتح اللون قريته باحد المنتديات واستخدمته رائئئئئئئع وبعدها استخدم تونك طبي وماء ورد ومرطب نفس الماركه
وقاع للوجه وهو قشطه وزبادي وعسل 2 مره بالاسبوع
للجسم استخدم خلطه بعد الحمام وهي زيت جلسرين وماء ورد وزيت اللوز وشوي بيبي اويل واذا تبين ريحته حلوه وتدووووم وتدوخ حطي معاه قطرتين من اي توله زيت من دهن عود او زهور الريف من جد خياااااااااااااااااال وادعولي هذي الخلطه مفعولها ومتاكده يومين او اكثر
للمناطق الحساسه غسول طبي ومعاه بيكربونات الصوديوم وبعدها صابونة الغار وبعد الحمام يصلح نفس خلطة الجسم بس بدون رائحه
واللي عندها اي مشكله بين الفخذين في كريم تقشير وتفتيح ب65 بس من صيدلية الدواء والله ان مفعوله من اول 3 اياااااااام وبعدين بعد كل حمام حطي بودرة اطفال وامنعي الاحتكاك باي طريقه
وللايدي فازلين والارجل ادهني فازلين والبسي شراب ونامي تصحين تلاقينهم زبده
وللمحافظه على اللياقه اكيد بلنظام الغذائي والرياضه المنتظمه والي يبي يسد شهيته ياخد حبوب سد الشهيه من زين الاتات
وبس
هذي تجاربي المتواضعه
شاركووووووووووووني بتجاربكم خلينا نستفييييييييد
في امان الله
مشكوره أختي على هالموضوع
طرحتي موضوع مره مهم وشيق
إذا باتكلم عن نفسي
فانا طبعا)اعوذ بالله من كلمه أنا(
اولا شعري
شعري غزير بس خرب من كثر الصبغات بس بعدين ابتعدت عن الصبغات مؤقتا"
فكل يوم وبعد عودتي من الكليه ازيت شعري بزيت أشثريه من وحده وقبل النوم اتروش
وهكذا كل يوم
وفي غضون اسبوع اصبح شعري بشهاده الجميع اكثر غزاره وانعم
هذا مايخص شعري
ثانيا بشرة وجهي
انا بشرتي اول معدومه بحبوب الشباب
بس في فتره حملي صفي وجهي الحمدلله إلى الآن لم تعد الحبوب ذهبت بلاعوده إن شاء الله
طبعا في الصباح وقبل ان أذهب للكليه
أغسل وجهي بغسول جونسون خاص للبشره الدهنيه
واكون مجهزه ماء قد وضع سابقا في الفريزر حتى تصبح الماء بارده جدا أذا مامداني أضع كم حبه ثلج مع الماء
وأبلل الفوطه الخاصه لوجهي بالماء البارد حتى تتشبع
وبعد ان غسلته بالغسول أضع الفوطه على وجهي وبحركات خفيفه احركها على وجهي
ثم أنشف الماء من وجهي وأضع كريم مرطب ووقائي من الشمس في آن واحد )بزلين(
وبعدين أحط المكياج
وبعد العوده
أزيل المكياج بمناديل خاصه للبشره الدهنيه من)جونسون(
ثم أغسل وجهي بغسول انا اسويه وهو عباره عن
)كميه من قشور الليمون وقشور البرتقال أغليها في قدر إلى ان تأخذ الماء لون القشور (
ويكون عندي علبه نظيفه أصب ماء القشور بعد تصفيته فيه واضعه بالثلاجه
وكل ماستخدمه أرده بالثلاجه
مره حلو يصفي البشره ويغذيها
وبعد مامسح وجهي بغسول الليمون والبرتقال
آخذ ملعقه ص عسل طبيعي
و2ملعقه ص سكر عادي مو مطحون واحركها مع بعض حتى تصبح مثل الصنفره
هذي الطريقه من الدكتوره أميمه الجوهري
وبراس اصابعي أحط الصنفره على وجهي وابدا ادعك بحركات دائريه خفيه وخاصه على أنفي لانها تخفف من الروؤس السوداء
أترك الصنفره على وجهي 1/4 ساعه تقريبا ثم أغسله واجهز ماء بارد مثل ماقلت اول وامسح الفوطه البارده على وجهي
ثم انشفه وأضع الكريم المرطب من )بزلين(
وقبل النوم نفس الطريقه
امسحه بغسول الليمون
ثم أضع صنفره العسل
ثم اغسله بالفوطه البارده
بس هنا ماأحط كريم مرطب
استغنيت عنه بطريقتين
}الأولى{ بوضع حليب وقليل من ماء الورد بصحن واهم شئ يكون الحليب بارد وياء ماء الورد
واحط قطنه طبيه واغمسها بالحليب وامسحها على وجهي
وثم أحط قطنتين وابللها بالحليب واحطها على عيني وانام على هالحال يعني انام والحليب على وجهي والقطن على عيوني
هذي الطريقه ساعدتني بتخفيف الهالات السوداء لاني بعد الولاده
تعبني خلودي الله يصلحه حزت النوم يصحصح ويشتغل بكي وصراخ
بس اللحين نظمت نومه وقت النوم ينام عشان اعرف لعمري
هذي الطريقه الاولى
أما بالنسبه للطريقه الثانيه
أخذ اكياس الشاي بعد غليها واحطها بصحن واضعها بالفريرر حتى تجمد ووقت النوم
أكون قد طلعتها وحطيت عليها ماء ورد حتى تذوب قليلا هذي كمادات للعيون
هذي بعد مامسح وجهي بالحليب أحط اكياس الشاي على عيوني حتى الصباح
وهكذا
والله يابنات ماحلفلكم إلا صادقه بعد استخدامي هالطريقه ب4ايام داومت الكليه الكل يسألني إيش سويت بوجهي
إشارقه وصفاء واهم من كذا الروؤس السوداء بانفي خفت
والهالات السوداء اللى كانت واضحه فيني اول ماداومت لاني كنت اداوم اغلب الاحيان مواصله أختفت
%%هذا بالنسبه للوجهه والشعر%%
الأن في مايخص جسمي
انا في فتره حملي زاد ورني مايقارب 20كيلو
}وامصيبتـــــــــاه{
هذا همي الكبير اللى تعبني
يالله مو وقته اللحين
انا جربت وسائل متعدده اني انحف بس وش تقولوا بالعزيمه والاصرار معدومه
بعدين قلت خل أجرب طريقه خطرت ببالي
شريت 5علب خل التفاح)الرمحين(
يجي وياه كتيب صغير
مكتوب فيه كيفيه استخدامه للتخسيس واغراض أخرى
أخذت علبه خاصه لمعطر جسم فارغه بع ان نظفتها وضعت فيها خل التفاح مع زيت الزيتون
وشريت بجامه الساونا
إيش اسوي؟!……
بعد ماجي من الكليه وبعد مانتهي من شعري وجسمي
ادخل الحمام الله يعزكم
وابدا آخذ البخاخ اللى فيها خل التفاح
وابخ على جسمي بالكامل
بس الله يعينكم على الريحه
المهم
مع البخ اسوي مساج بحركات دائريه لكامل جسمي ثم البس البجامه
بصراحه عشان ابغى انحف بسرعه اخليها علي إلى قبل النوم
طبعا اشتغل بالبيت وامشي على طول البيت على قولت امي هذا موبيت هذا حق صلصله
المهم لما اشيل البجامه تقولوا متروشه من العرق
وقبل التروش
انا مسويه خلطه أحطها قبل الترويش بساعه علبه صابون مغربي السائل مخلوط معه علبه زيت اللوز الحلو
واحطها على جسمي واتركها مثل ماقلت لوبالقليل1/2 ساعه ثم آخذ الليفه المغربيه وابللها ثم ابدا التلييف وبعدين اتروش
واستخدم طبعا مع الترويش من بودي شوب مجموعه moon flower
أوCASSIS ROSE
عشان رائحه الخل والصابون المغربي تروح وعشان تبقى ريحه جسمي تبقى منعشه
بعد ماخلص ترويش اخذ قليل من ماء الورد في فوطه وامسحها على جسمي
هذا مايخص جسمي
مع استخدامي البجامه والخل طبعا لاتنسون الأكل مهم جدا التخفيف واكل أشياء مفيده تساعد على حرق الشحوم وانا مدخله ضمن برنامجي الزنجبيل
وماداراك مالزنجبيل؟
لو تخلوا الزنجبيل قهوتكم اليوميه راح تشوفوا النتائج تبان بسرعه
انا ماتكلمت عن الرنجبيل إلا بعد ماشفت بام عيني النتائج على أختي كان ورنها123كيلو
والله مابالغ يأخوات العزيرات صارت تلبس من ملابسي انا وزني بعد الولاده 96 والحين 94 كيلو
اما بالنسبه لشعر جسمي
حشى شعر رجال موبنت وش اسوي خلقه ربي
انا استخدم ماكينه براون وبعد ماشيل احط زيت زيتون
انا اتمنى استخدم الحلاوه بس ماعرف استخدمها
هي أحسن تشيل الجلد الميت والشعر يقعد حق شهر مايطلع
وقبل النوم ادهن ارجولي
بخلطه اختي سوتها وأخذتها منها أتوقع انها
فازلين وفكس وجلسوليد بس مادري حاطه شئ معاها؟
والبس شراريب
موشرط وقت النوم في اي وقت انت تحبي
إما المناطق الحساسه
بعد مادخل الحمام
اغسل بغسول خاص انثوي اي نوع
تلاقيها بالصيدليه
بعدين انشف زين بمناديل والبس سروال قطني لعند الركبه
ليه؟
يابنات ليه السواد بين الفخوذ خاصه السمينات
بسبب احتكاك الفخذين مع بعض
فلتفادي هالمشكله الافضل لبس سراويل طويله مصنوعه من القطن
والافضل من نعومي
وإذا حسيت بالتهابات انقعلي ملح بماء دافئ واتشطف به ولبس فوط خاصه بالالتهابات
موفوط الدوره وانتوا بكرامه
ولسواد الركب والاكواع
اخلط لي علبه صغيره كريم 21البرتقالي
مع ملعقه اكسجين تركيز 6%
وادهن بها ركبتي ويديني كلها وتحت يدي الابط
الله يسلمكم ادري طولت عليكم
بس عشان مثل مانا استفدت اتمنى غيري يستفيد
وتقبلو تحياتي
