النهارده هنعمل طريقة جديدة للشاورما لكل اللي بيعملوا دايت ونفسهم فيها وخايفين ياكلوها؛ يلّا بينا نشوف بتتعمل إزاي…
شاورما فراخ دايت
المقادير:
½ فرخة
ثمرة بطاطس
ملح وفلفل أسود
2 مكعب مرقة دجاج
زيت زيتون
خيار مخلل
ثوم مفروم
عيش (أي نوع تحبّيه)
مقادير الصوص:
ملعقة كبيرة مايونيز قليل الدسم
ملعقة كبيرة زبادي قليل الدسم
ملعقة صغيرة ثوم مفروم
2 ملعقة كبيرة طحينة
الطريقة:
1- اسلقي الفرخة مع البصل ومكعب مرقة الدجاج، وبعدين اخليها من العضم وشيلي الجلد وقطّعيها شرائح صغيرة.
2- شوّحي الفراخ مع مكعب مرقة دجاج في زيت الزيتون وحطّي عليه الثوم وقلّبيهم لحد ما الخليط كله يبقى متجانس، ولو حبيتي تحمّريها ممكن تحطّيها في صينية وتدخّليها الفرن أو تحمّريها على النار على حسب رغبتك.
3- قطّعي البطاطس شرائح، وحطّي عليها زيت زيتون واشويها في الشواية.
4- اخلطي مكونات الصوص وقلّبيها كويس، وبعد كده افتحي العيش وادهنيه بالصوص، وحطّي فيه شرائح الفراخ وعليهم قطعتين من البطاطس وشرائح بصل وخيار مخلل، ولفّي الساندويتشات وقدّميها سخنة.وبالهنا والشفا
كل الشكر والامتنان على روعهـ بوحـكـ ..
وروعهـ مانــثرت .. وجماليهـ طرحكـ ..
دائما متميز في الانتقاء
سلمت يالغالي على روعه طرحك
نترقب المزيد من جديدك الرائع
دمت ودام لنا روعه مواضيعك
