الكبــه الشامية أأممم ولا ألذذذ 2024.

صباح / مساء الخير أخباركم صبايا ان شاء الله تمام ؟؟

قولولي بدكن الكبة مشوية او مقلية او بالفرن ؟؟؟

كل الانواع

طيب تعواااااا معيييي

سنبدأ بالمقادير:

مقادير العجينة :

كل كيلو ونص برغل ناعم لازم نحطلهم كيلو لحمة ناعمة او احنا منقول عليها مدقوقة

امي الله يحفظها بتزيد عليهم شوية حبق اخضر وبصلة

وممكن الاستغناء عنهم

طبعا مننقع البرغل ومن بعدها منضيف اللحمة ومنصير نفركها كتييييييييير منيح ومنزيدلها شوي شوي ماء ومنكون البصل والحبق طحناهم ومنضعهم مع العجينة ومنستمر نفركها حتى يصير عنا هالشكل

وفي مكنة خاصة بفرم الكبة والبرغل بس يعني مش موجودة عند اكترنا لهيك فينا نفركها بايدينا

وبدي قلكم اخر شي انو عجينة الكبة ممكن انو تروحوا عند اي لحام لبناني او شامي وتقولولو بدنا عجينة الكبة وحطلنا ياها كيلو ونص برغل وكيلو لحمة وهو بيعطيكم ياها جاهزة وما بدها غير انك تطبقوها وهيك انا بعمل اسهل الي

مقادير الحشو :

1: الحشوة الاولى للكبة المقلية وهي عبارة عن بصل مفروم ناعم مقلى بزيت

ولحم مفروم

وملح وبهار

ملعقة دبس رمان اذا بدك وممكن الاستغناء عنه

وبعض المكسرات من لوز وصنوبر

بنقليهم مع بعض وبعد الاستواء التام منحطهم بمصفاة حتى تنزل كل الزيت اللي فيهم

طبعا ملعقة الدبس رمان منحطها على البارد بعد ما نصفي الزيت من الحشوة

وهذه الحشوة استعملناها للكبة المقلية والكبة بالفرن

2: الحشوة التانية هي عبارة عن

لحمة مفرومة

لية مفرومة او دهنة مفرومة جوز مطحون لكن ليس لحد الاهتراء يعني منبقى نحس بقطع الجوز الصغيرة

ملح وبهار

مخلطهم مع بعض

وهيك بتكون الحشوة التانية جاهزة

3:
اما الحشوة التالتة وهيدي يمي يمي طيبة كتيرر بس كلها سعرات حرارية

هي عبارة عن

شحمة

بصل مفروم ناعم

حبق مجفف او يابس

ملح

رشة بهار صغيرة كتير

كمان منخلطهم وهيك بتصير الحشوة التالتة جاهزة

طريقة التحضير:

اولااا لح نبتدي بالكبة المقلية والكبة بالفرن :

نكور قسم من العجينة الى كرات صغيرة

نقوم بادخال اصبعنا على الشكل التالي

حتى تصبح مجوفة من الداخل ولاااااا ننسى انو يكون معنا كاس من الماء حتى لا تتشقق العجينة

ثم نقوم بحشيهاااا

وتسكيرها من فوق حتى يصير عنا كبة على الشكل التالي

حاولي على قدر المستطاع انو تكون رقيقة لأنه كل ما كانت رقيقة كل ما كانت اطيب
ولا تنسي استعمال الماء بتغطيس شوي ايدك بالماء ومن ثم رق العجينة

وهذاااااا شكلها بعد القليي

والماما الله يحفظها مسكرتها بطريقتان متل ما شايفين

شي بالعرض وشي مروس من فوق زي المطاعم

والمروسة قليناها والتانية اللي بالعرض مسكرتها حطينا شوية زيت بصينية وحطيناها بالفرن

هاااااااااااااا شو رأيكم بالكبة المقلية والكبة بالفرن

تسلم ايديكى فعلاااااا شكل الكبه تحففففففة..

شكلها شهى و لذيييييييذ..

لكن رجاء كتابة اسمك على الصور حتى تحفظى حقوقك