متل ما وعدتكم القسم الثاني من رجيمي اللي نزلت فيه 10 كيلو
طبعا انتو بتعرفو انه بعد تخفيف الوزن ممكن يحصل بالجسم ترهلات وخاصه الوجه واول شي بينزل بالجسم هو الوجه بيصير شاحب غير الترهلات اللي ممكن تصير بعد الرجيم بس بهالرجيم واتباع الطريقه الصح صدقوني باذن الله راح بينحف جسمك وبدون اي مشاكل ثانيه سواء بالجسم اوالبشره والاهم انه قسما بالله بشرتك راح تتحسن 80%
وهاذا الرجيم انا اللي عملته لحالي تبعا مع مساعده استاذي العزيز جوجل وبعد ما هلكت كل المواقع والمنتديات
والله بشره صحيه وروعه وجسم اروع بس بدك حرب مع نفسك شوي
اولا—————مقاطعه كل المشروبات الغازيه والقهوه والشاي حتى لو بدون سكر واذا كنتي من مدمنات القهوه راح اعلمكم طريقه قهوه ما تضر البشره في موضوع ثاني
ثانيا اليوم اللي راح نوخذ فيه الخميره او الحلبه ما ناكل فوكه ابدا هاي نقطه مهمه لانو الخميره ما بتسمن الا مع الفواكه او اللحوم او الرز معلومه كتير مهمه اخذتها من دكتورونفسها الحلبه عدا البرتقال طبعا لانه من الحمضيات
ثالثا اللحوم ممنوعه بكل انواعها الا السمك وبعد هيك بيصير مره واحده بالاسبوع
رابعا شرب الماي كتير وعلى فكره كنت دايما اسمعها بس والله بعد ما جربتها عرفت قيمتها
هسه نيجي للنظام خطوه خطوه
اول اسبوع كل يوم ورا يوم معلقه صغيره خميره مع كاس عصير برتقال مهمه كتير وهي السر في الحفاظ على الشعر والبشره اما البرتقال كل يوم
بعد ساعتين بيضه واحده وكاسه اعشاب انت بتحبيها انا كنت اشرب يانسون واحيانا قرفه شمر او بابونج بس انتبهي لا تكتري من البابونج كاسه بس لانه بيعمل صداع ولو ما بتحبي ماي على الريق مع ليمون او مشروب البقدونس
الغداء اختاري كل يوم اي شي من هاي الاكلات ركزو كل يوم نوع مش كلها بنفس اليوم الكميه متل ما بدك ما في اي ضرر
كوسا مشويه مع لبن وثوم وفلفل واللي معدته تعبانه يترك الفلفل مع قدر الكف خبز اي نوع والافضل خبز النخاله عشان المعده ما تتعب ولو ما بتحبي الكوسا يقطين مسلوق كتير طيب
2- بطاطا مسلوقه او مشويه
3-شوربه خضار بدون ماجي وملعقه صغيره زيت الخضار متل فاصوليا بازيلا جزر ملفوف حسب رغبتك
4-شوربه الفطر كتير مفيده وطيبه
5-خيار مع لبن وبقدونس ونعنع
6-وهاذا اهم شي تقطعي بقدونس ناعم وضيفي له ثوم ولبن
العشاء
دائما لبن او كاسه عصير برتقال
الاسبوع الثاني
في هاذا الاسبوع راح نبدل معلقه الخميره بحلبه مهم كتير لانها كمان بتحتوي على الفيتامينات وبتساعد البشره على نضارتها وعدم الترهل والجسم كمان وطبعا الكل بيعرف مشروب الحلبه 
نحنا راح نوخد بس كاسه على الريق وبعدها بساعتين كاس البرتقال ولازم فرش مو صناعي
الفطور
كل يوم اما شمندر مسلوق يعني بنجر او جزر مسلوق لازم مسلقوق مريح للمعده وسبحان الله هو النوع الوحيد اللي بينسلق وفائدته متل ما هي او تفاحه بس بيوم لو اخترتي فيه فوكه ما تاخدي كاس الحلبه او قطعه جبنه صغيره بيضاء او 2ملعقه فول او لبنه
الغداء اي نوع من
1- سلطه (خيار بندوره فلفل حلو خس بقدونس بصل) وملعقه زيت زيتون وخل
2- 2-تونا او سمك مشوي مع حبه طماطم
3- 3- سلطه ملفوف مع جزر مع ملعقتين ذره وبدل المايونيز حطي لبن
4- 4-كبده مشويه اي نوع بدون زيت
5- 5-لو مل تقدري تستغني عن اللحوم ممكن دجاج بس الافضل اول اسبوعين بلاه
6- اي طبخه ممكن تعمليها بس بدون لحمه وبدون رز مثلا ملوخيه باميه زهره اي شي بس ركزي بدون لحمه ورز
7- فواكه مشكله اي نوع
العشاء حليب خالي الدسم او لبن
الاسبوع الثالث
راح نترك الحلبه وناخد كل يوم ورا يوم معلقه بذر الكتان 
مع كاسه ماي وليمون او حليب
الفطور غداء عشاء فواكه شو ما بدك وباي كميه حتى العنب ممكن تاكليه بس الموز لا
الاسبوع الرابع
على الريق راح ناخد بدل الكتان (معلقه كركم وعسل وحبه البركه ) وما تاخدي لا كتان ولا حلبه ولا خميره 
مع كاسه ماي
الفطور دائما فواكه
الغداء سلطات او خضار او تونا
العشا
متل ما تحبي بس بدون دهون او سكريات
ملاحظات
دائما بين الوجبه والتانيه اقل شي 4 ساعات
كثري من شرب الماي
شرب الاعشاب باعتدال
والاهم من كل هاد مشي او رياضه لو نصف ساعه كمان بيساعد على شد الجسم
لا تنسي قهوه شاي كولا مواد حافظه كله ممنوع
بالنسبه للفوكه اكتر شي كنت اخد كيوي واناناس وانجاص لانه بيحتوي على فيتامين سي وهاد مهم لانه بالرجيم ممكن البشره يصيبها جفاف وفيتامين سي بيمنع الجفاف
وللامانه انا كنت اخذ فيتامين اي بالاسبوه 3 مرات وادهن بشرتي كمان للترطيب طبعا اكيد الخلطات هاي رفيقه العمر
وما تفكري تبدلي او تغيري خليك على نفس النظام حتى ما تلوموني ههههههههههه
رجيم باذن الله صحي وراااااااائع وبشره متالقه حتى لو كانت غير صافيه سواء حبوب او اسوداد او بثور كله ان شاء الله راح يتحسن وانتي بنفسك الحكم جربوه والله والله ما راح تندمو
ارجو من الله الكل يستفيد وتدعولو بالخير
على فكره ممكن تنزلي اكتر لانه صاحبتي نزلت 15 كيلو وهاد حسب جسمك ومجهودك
حلو اوى الرجيم وشكله سهل وبيجيب نتيجة
تسلمى يا قمر موضوع حلو
تستاهلى احلى تقييم:)
شكرآ جزيلا على الموضوع الرائع و المميز
واصلي تالقكي معنا فى المنتدى
بارك الله فيك أختى
ننتظر منك الكثير من خلال إبداعاتك المميزة
لك منـــــــ إجمل تحية ــــــــــى
يعطيك ألف عافيه ع المجهود الواضح ..
معلومات قيمة ومفيدة عن
اخسري وزنك بوجه ممتليء وجسم بدون ترهلات سر طريقتي الخاصه
جزاك الله كل خير وموفق بإذن الله …
لا خلا و لا عدم من مواضيعك الجديدة
بإنتظار أطروحاتك المميزة بكل شوق
حفظكِ الرحمن ,, شكراً …..
