اللبنه المدعبله بالزيت من مطبخي والطعم خيال 2024.

بسم الله الرحمن الرحيم
اخواتي وحبيباتي حبيت ااقدملكم طريقة اللبنه المبدعبله بالصور

لانو هيه شئ اساسي ببيوت الاردنيين بنقوم بتخزينها وجبة الفطور لا تخلو منها وخصوصا بالشتاء

اليكم الطريقه
طبعا الكميه حسب الرغبه

نحضر حليب الماعز ونغليه جيدا ولما يفتر نقوم بعمل الروب منو وهوه اضافة نص كوب لبن رائب للحليب الدافئ

وتحريكه جيدا وبعد هيك بنلفه بشرشف منيح تقريبا 6 ساعات او حتى يصير الحليب رائب

وهلا بنباشر بالخطوه المهمه وهيه عمل اللبنه

نضع اللبن الرائب بكيس ابيض مصنوع من القماشلحتى ينزل ماء اللبن منيح

بعد هيك نضع على الكيس ثقل لحتى يساعد على نزول الماء اكتر

ولازم نراعي نضافة الكيس من الخارج بكشط اي شئ يتكون على جداره لانو اللبن كتير حساس

وبيخرب بسرعه

وبنظل نراقب اللبنه لمدة 4 الى 5 ايام لحتى نتاكد انو ما بقى ولا نتفة ماء باللبنه

وبتصير زي هيك شوفو كيف البياض الناصع
دار

بعدين بعجنهم منيح منيح وبضيف كميه مناسبه من الملح وبرد اعجنهم مره تانيه لحتى الملح يدخل فيهم كويس ولازم يميل طعم اللبنه للملوحه نوعا ما لحتى ما تخرب يعني بيكون طعمها بين بين وبصير اعمل منهم الدعابيل ولما يزبطو معي بكور الكميه كلها
دار
بصير اعمل دعابيل اللبنه واصفهم على صينه زي هيك

دار
وهلا بجيب قطرميزات زجاجيه نضيفه ومنشفه منيح وبحط فيها زيت الزيتون وبسقط اللبنه فيهم بهاد الشكل
دار
وهيك بنكون خلصنا وهاي كمان وحده

دار

وهاد احلى فطور من مطبخي وعلى فكره كلو من عمل ايدي الا القشطه جاهزه حتى العسل من انتاج مزرعة اخي

دار
ونسيت هالمكدوسات الطيبن شوفو ما احلاهم
دار
وبتمنى انو الطريقه نالت اعجابكم وعن جد طلعو كتير طيبن وبيشهو

الف صحه وعافيه حبيباتي

تسلم ايديكي انا كتير بحب هي اللبنة ومن زمان كنت رايدة اعرف طريقتها

وحابة اسالك لازم يكون الحليب ماعز؟

واذا حطيت حليب بقر عادي بيختلف شي عن هي الطريقة

مشكورة اختي

يعطيك العافيه خيتووو

يسلموووو

تقبلي مروري 🙂

اقتباس : المشاركة التي أضيفت بواسطة bessan05

دار

تسلم ايديكي انا كتير بحب هي اللبنة ومن زمان كنت رايدة اعرف طريقتها

وحابة اسالك لازم يكون الحليب ماعز؟

واذا حطيت حليب بقر عادي بيختلف شي عن هي الطريقة

مشكورة اختي

هلاااااااااااا حبيبتي بيسان

اشكرك لمرورك الحلووووووو حبيبتي

بامكانك تستعملي لبن البقر وما بيفرق شئ وكلو حسب المتوفر

قد يهمك أيضاً:

اقتباس : المشاركة التي أضيفت بواسطة *بنت الجنوب*

دار

يعطيك العافيه خيتووو

يسلموووو

تقبلي مروري 🙂

شكرا لمرورك حبيبتي بنت الجنوب

تحياتي

قد يهمك أيضاً:

جميل جدا

نحن دايما نجيبها جاهزه

ولا مره جربنا نسويها

بس بعلمها للأهل يسونها

شكرا لكي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top