ازيكم يا حلوات؟
قررت اعمل لازانيا باخف طريقة ممكنة عشان اكل منها من غير ما اتخن ولا ضميري يوجعني
الطبق ده بيتخن بسبب:
-الدهون(البشاميل والجبنة)
-النشويات(اللازانيا-الدقيق)
-البروتين(اللحمة المفومة المعصجة)
شوفو بقي انا عملت ايه:
صلصة البشاميل:
استخدمت 3 اكواب لبن قليل الدسم مع 3 معالق دقيق و شوية ملح وخلطهم كويس بالمضرب السلك علي البارد بدون تحمير الدقيق ولا زبدة ولا اي حاجة
ثم وضعتهم علي النار الهادئة مع التقليب المستمر لغاية ما يتخن شوية وبعدين اطفي وسيبيه يبرد
الحشو:
قررت اني مش استخدم اللحم المفروم خالص لان اكل اللحم مع اللازانيا هو اكتر حاجة بتتخن فاستخدمت الخضار
علبة ماشروم معلب مشطوف ومصفي+فلفل اخضر+بصل+فصين ثوم مفرومين
وضعتهم علي بعض في طاسة تيفال مع معلقة شاي زيت زيتون -ملح-فلفل-زعتر -جنزبيل مطحون
شوحتهم شوية وبعدين ضفت 2 معلقة صلصة مزوبة في 2 علقة ماء
نشفت الماء خالص وبقت الحشوة جاهزة كده
استخدمت طاجن فرن غير قابل للصق بدل البايركس حتي لا ضطر ادهن الصينية 
معلقتين باشاميل في الصينية وبعدين طبقة لازانيا
بعدين طبقة باشاميل وطبقة حشوة(نسيت اصور دي
)
وتكرر لغاية ما الصينية خلصت ثم وضعت علي الوش بيضة مضروبة مع فلفل اسود (ممكن استخدام جبنة لايت للوجه بس انا ما حبيت)
وعلي الفرن لغاية ما الحروف تحمر ثم تولعي فوق تحمري الوش قليلا حتي لا تنشف
واما بردت قطعتها وده شكلها 
انا عملت معها لحمة متسوية في الفرن بدون دهون خالص
(لحم ستيك+بصل شرائح+ملح وفلفل وبهارات+معلقة ستيك صوص جاهز) في صينية وغطيه بالفويل وفي الفرن
بس انا اكلت كده بس
لازانيا وسلطة وكانت مشبعة جدا لدرجة اني مش قدرت اخلص السلطة
وبصراحة اول مرة اكل لازانيا ومش احس بالتخمة بعدها
ده اقتراحي للازانيا بسعرات حرارية اقل كتييير من الطريقة المعتادة
ايه رايكم؟
ياعممممممممممممممممري حركااااااااااااات شكلها شهي كمان؟؟؟؟؟ظننتظر المزيدمن الابداعاااااات
شكلهاااااااااا ولا ارووووووووووووع
تسلم الايادي ع الاكلة الشهية
تقبلي مروري وتقييمي ياعسل
وتستاهلي الوسااااام ياحلوووة
وصفة رائعة جدا
دمتي مبدعة دوما
فكره حلوه جدا انك عملتى اللازنيا لايت
لان الكل بيموت فيها بس للاسف سعراتها عاليه جدا
شكلها ما شاء الله رائع وشهى جداااا
تقبلى تقيمى وفى انتظار المزيد من ابداعاتك واكلاتك الصحيه الشهيه
ما شاء الله عليك حبيبتي
كتير عجبتني الوصفة انا حعملها بنفس الطريقة واجرب
طعمها كيف ههههههههههههههه
اااكيد التقييم كان قبل الرد والتجربه خخخخخخ