ابتدي منين الحكايه …….
طبعا انا ماكان لي بطن نهائي وكان تركيزي في الرياضه على اسفل جسمي لأن السمنه عندي في الافخاذ، والحمدلله الأمور ماشيه تمام وجسمي بفضل الله حلوا
عشان اطلع ورم ليفي اللهم لك الحمد والشكر على العافيه ، بعد ماسويت العمليه جلست فتره وقمت بسلامه ولله الحمد شوي شوي مع الأيام الا وهذي الكرشه قلنا يالله نمشي عشان تخف المشكله انه كرشتي الا الا تبرز وفعلا برزت كاني ام لعشره تعبت منها ، بديت الآن اسوي لها رياضة بطن ولي فتره مستمره بس ملاحظه انه من الاسفل البطن حيل كبير ومترهل
فيه حريم قالو لي كان استخدمتي المشد ايام العمليه ، بصراحه ياخوات انا ماعرف شئ بامور العمليات ولاالقيصريات والا المشدات توني بنت ووالدتي متوفيه رحمة الله عليها ،،،
وبالنسبه للخلطات انا صرت اخاف منها لانه عندي الهرمون مرتفع ، ومابي الخبط قد مافيني من لخبطه .وهنا مصيبه اخرى انه دورتي لها شهرين مانزبت بالرغم من اني استخدم علاج لارتفاع الهرمون …..طيب وش السالفه مادري جربت اخذ بردقوش
حسيته نفخني خلال اسبوع وبطلته .نجي للمصيبه الاعظم وهي انه منطقة الأرداف كبرت وصار شكلها يروع وانا اصلا عندي احتكاك خشونه في الركب من زمان حتى من قبل العمليه وحوسة الهرمون كنت حريصه على انها ماتكبر تجنبا للآلام والضغط على الركب . سؤالي او اسئلتي / 1ـ بالنسبه للكرش هل استخدم لها مشد ؟هل له نتيجه الان احد له تجربه مع المشد ؟
2ـ وبالنسبه لدوره وشلون اقدر انزلها ؟والله تعبت منها جاني اكتئاب
3ـ والأرداف هل بتفيدني الدراجه الثابته مع العلم انه عندي اوربت ترك بس احسه يتعبني اكثر من ناحية الركب ؟
ماقصروا ووحده منهم الله يجزاها خير دلتني على زيت الزيتون والزنجبيل والمشي بس احس الجسم موقف مو مثل عادتي قبل العمليه كنت اذا سويت ادنا حركه يسلام اما الان احس كل شئ صار صعب
وفي الاخر الحمدلله على كل حال .
الشهر امبارك عليكم
وكل عام وانتم بخير
مساء الخير ..
حمد الله على السلامه يا عسل ان شاء الله ما تشوفي الا كل خير وصحه ..
حبيبتي حاولي لا تتكأبي ولا تصيبك خيبه امل .. كل شي ممكن يصلح بس اهم شي الصبر والله..والايمان بقدرتك انتي .
صراحه انت عندك مشاكل طبيه..احسن شي انك ترجعي لطبيب مختص بهل امور .
لكن رح اجاوب على الاشياء الي اقدر عليها وعلى اطلاع عليها
اول شي الدراجه الثابته : نعم احسن وسيله لحرف دهون الادراف يعني بشكل عام المنطقه السفلى ..بس لا تحطيها على الثقيل ..خليها على اخف شي لكن بسرعه عاليه .
ثاني شي بخصوص الدوره هاي شغله طبيه لكن اظن الها خص بهرمونات الجسد ..اي خلل في هرمونات الجسد رح اتسبب خلل في دورتك الشهريه استشيري طبيب نصيحه ليكي.
كمان السترس والتفكير الكثير كثير اله تاثير على الدوره..حاولي تسترخي وماتفكري كثير .
بخصوص الكرش : اذا الجلد تشقق يعني ظهرت عليه خطوط بالطول بيضاء از كذا شي مثل التجاعيد الكثيره هاي الشغلتين ما يبنفع فيها غير عمليات التجميل ..اكثر شي فعال يعنيواذا كان الكرش دهون يعني شكله طبقات من دهن شي مترهل يعني مو تشققات او تجاعيد هذا الشي برياضه بيتصح يعني تمارين بطن ومشي مع الوقت بتروح .
حبيبتي الحين انت طالعه من مرض الافضل انك تركزي على صحتك كم شهر بس..ركزي على الاكل الصحي بس و تفكري بغير شي..ألانسان اذا يفقد صحته ما عاد ايهمه شي بالعالم ..
فحاولي الحين تحلي المشكلات الطبيه البحته يعني الدوره والهرمونات..بعدين فكري بالريجيمات وهذي الحاجات.
تحياتي وماتشوفي شر
اي شي تحتاجين انا موجوده والبنات ما ايقصروا معاكي
مساء النور cyclist
ياعمري الله يسلمك وانتي والله العسل والسكر والذوق كله تسلمين لي الله يدوم عليك نعمة العافيه يارب
معك حق هو الدعوه عندي مشاكل صحيه بالنسبه للهرمون مالي الا العلاج وهذا انا قاعده استخدمه وقارفني بعمري لأن له اعراض تجيب الهم اولها الاستفراغ ياليت اذا تعرفين وحده تعالجت من هرمون تدلني على دكتور شاطر ومجرب ، لان دكتوري صراحه مسببلي اكتئاب حتى هو اقوله حبوبك مسببه لي استفراغ وانتي بكرامه غير كذا على طول الخط خمول .وبالنسبه لاحتكاك الركب قالي الدكتور هذا حيصير معك على طول ماله علاج الا انك ماتضغطين على الركبتين بزياده وتجنبي كثرة الطلوع مع الدرج .يعني تخيلي توي بنت ههههههههههههههه لسه ماحملت ولاشلت وجبت الله يعين بس ،،، اذا على التفكير خليها على ربك ماحد يسلم من هموم الدنيا وفي الآخر ممشيه عمري والحمدلله على كل حال بس هالكرش اللي مسويه زحمه ،يعني تخيلي بطن مسطح خلقه وفجأه كل شئ يتغير ، الحمدلله على كل حال .وبالنسبه للخطوط لا ماعندي خطوط فيها بس كثير صاروا يقولوا لي خلاص ماينفع لانك ماحطيتي مشد مباشرة بعد العمليه ،،،وبيني وبينك انا مادريت عن هالمشد ولو ادري ماحطيته وين والله اطير اصلا العمليه بكبرها تألم .بس كان اقلها دبرت عمري ولاهالكرش
طيب تقولي لي الدراجه الثابته افضل ، طيب رايك اشتري اي دراجه وش تنصحيني فيه كشركه ؟وهل الدراجه الثابته تكون بمقعد او بدون مثل الاوربت ترك ؟
ومعليش كثرت عليك ، تسلمين على الرد الله يجزاك خير ويوفقك وينولك مرادك دنيا واخره يارب ويبعد عنك كل سوء
ولك مني كل الشكر
كيفك يالغاليه
والله مشاكل ذا الجسم صاير شغلنا الشاغل
المهم يالغاليه اول شى بالنسبه للأرداف ممكن تستخدمى 4ملاعق بن مع ملعقت شبه وتعجنيها بخل التفاح بعدين تفركين المنطقه بشكل دائرى مدة 5دقائق وبعدين تغسليها بصابون بزلين للتنحيف لمدة 3دقايق واستمرى على كذا حتى تطلع النتائج
وبتلاحظين مع البن انه فيه زى الدهن يطلع من جسمك
البطن استم برياضة البطن مرتين فى اليوم عشر مرات
وان شاء الله ترجعين مثل اول واحسن
ودعواتك يالغاليه
السلااااااااااام
الله يكون في عونك
والله ماعندي حل لأن أنا كمان معقدني الكرش وخصوصا الجزء السفلي
من بعد القيصريهحاسه أنه رخو ونازل بقوه
وكان عندي أمل انها تروح لحد ماقراءه كلام الأخت والله
خفوفتني وأحبطتني أتمنى مايكون صح لاأن عندي تشققات بيضاء ومانبي هالعمليات
الحمدلله على السلامة
خزعبلات الحريم الكبار اللي عن المشد ما أنزل الله بها من سلطان …يعني ها الأجنبيات و الأوروبيات اذا ولدوا تتوقعين يجيبون مشد من محلات أبو ريالين و يعصرون فيها بطونهم !!!
تلقينها من ثاني يوم تتطامر بالشوارع و تسوي ريااااااااااااااااضة …اللي هي سر الرشاقة
أولاً كم وزنك و طولك ؟؟
احتمال يكون وزنك زايد و الا مين زاد حجم بطنك ؟؟
انت يمتأكدة انك من فترة طوووووووويلة ما تاكلين حلويات و أشياء دسمة ؟؟
مشروبات غازية ؟؟؟
ماء مع الأكل ؟؟
كم صارلك مسوية العملية ؟
أبغى معلومات عن نظامك الغذائي من بعد العملية الى الأن …
