وجبة صعبة جدا مع أكلة حلوة ليومياتنا الرمضانية المصورة
حبيباتي اليوم للأسف زايد عندي كبة وشوربة ولحمة بالصينية من مبارح لأن بالبيت مافي غير أنا و زوجي والصايم مابياكل كتير
بس عملت وجبة صعبة جدا انتو مافيكن تسووها رح علمكن ياها من عيوني حبيباتي ركزو معي منيح والوجبة هي جاط فتوش تحفة روعة وصحن مقالي بطاطا وبيتنجان
بس عملت أكلة حلوة بسيطة كتييير وسوبر طيبة ومابتاخد وقت مع انو أخدت معي بالكتابة وقت
أما السحور فكان سلطة بطاطا وحواضر
نبدأ بالسحور:
المقادير:
سلطة البطاطا:
بطاطا عدد3
بندورة – نعنع – زعتر بري كلهم مفرومين نلعم
ملح-حمض – كمون – ليمون أو ليمون-زيت
طريقة التحضير:
نسلق البطاطا في وعاء عالنار
وعند النضج نقشرها ونقطعها مكعبات نضيف لها الملح والحمض والكمون
نضيف الزيت ونحركها جيدا
ثم نسكب البندورة والنعنع والزعتر البري عليها للتزيين أتمنى ان تكون قد أعجبتكن
ودي سفرة السحور
بالنسبة للإفطار
مقادير الفتوش:
بندورة-خيار
-بقلة-نعنع-زعتر بري- بقدونس
-ملح -حمض الليمون أو خل-زيت -خبز مقلي -رشة فليفلة حدة بودرة وسماق يعطوها نكهة روعة-ملعقة دبس رمان
الطريقة :
رح علمكن الفتوش لأنكن ياحرااام مابتعرفو تعملوه هههه
نقطف كل من البقلة والنعنع والزعتر والبقدونس قطف وليس تقطيع انتبهوا
نقطع البندورة والخيار
نضيف الملح والحمض والشطة والسماق
نضيف الزيت ونحرك
ونقطع خبز ونقليه ونزين الجاط فيه ونرش عليه دبس رمان ويطلع تحفة من تحف الزمن
ملاحظة إياكي إياكي إياكي غاليتي وضع البصل 
والثوم في رمضان حتى ما تتخنق المصليات جنبك بالمسجد انت او زوجك بالريحة وتلتهي عن صلاتها وتكسبي وزرها
أما عن المقالي كمااان ياحرام ماتعرفون تسووها من صعوبتها
نقشر البيتنجان والبطاطا ونقطعهم ونرميهم بالزيت للنضج
ودي سفرة اليوم التحفة الله يديم علينا النعم يارب
ودة العصير توت شامي وقمرالدين
أما الأكلة الحلوة فالمقادير:
كوبين طحين
كوب ماء فاتر نذوب فيه ملعقتين كبار سكر
ملعقتي بيكنغ بودر
ملعقتي فانيليا
سمسم
زيت للقلي
ويحضر القطر قبل صنع العجينة لأن نريد استخدامه وهو بارد ولاتقولولي كمان بدكن كيف يصير القطر
يلي بدها تخبرني لإبعتلها الطريقة عالبلوتوث هههه
الطريقة:
ننخل الطحين مع البيكنغ بودر
ونضيف الفانيليا والماء بالتدريج مع العجن جيدا حتى تتماسك ونرش السمسم وندعكها
وتتركيها تتخمر ساعة
بعدها ترشي ع صينية طحين
وتقطعي من العجينة طابات
ثم تفرديها متل أقراص الفطاير
ثم تقليها في الزيت واما تحمر تخرجيها وتحطيها بالقطر البارد فورا حتى تتشربه
وفيكي عشان الرجيم تحطي عليها ملعقة صغيرة عسل تتطلع بتجنن والله
وهذا شكلهم حبيباتي
وهي لأول مشاركة وقدمي جنبها شاي
http://up.rjeem.com/uploads/13430830885.jpg
بتمنى تكون سفرتي عجبتكن يا
أغلى الناس
غالياتي في منتدى رجيم أحبكم في الله وأستودعكن الله الذي لاتضيع ودائعه
تقبلي اعجابي وتقييمي وودي
وصفات سهله ولذيذه
واحلى تقييم لعيونك الحلوين
تحياتي واحترامي