السلام عليكم و رحمة الله وبركاته
ديه اول مرة اشارك بموضوع أنا بس متبعاكو من فترة ومكنش في بالي أشارك بس متردتش لحظة بعد الحصل و بيحصل معايا كنت محتاجة مساعدة وحد يشجعني معلش انا مش بعرف اتكلم اوي فكلامي ملغبط
المهم أنا بدأت من شهر 4 اللي فات اعمل ريجيم وأظبط مواعيد اكلي اول اسبوع مشي كويس و تاني وتالت ماما كانت بتعمل معايا فكنت متشجعة وكنت بنزل واكتر منها و فجأة بدأت احس بحرمان الاكل اللي هو ليه مكلش كذا وكذا وبقيت بضعف وباكل وكأني بعاند مع نفسي وخلاص او عشان واثقة اني هنزلهم انا اساسا جسمي مالنوع اللي بيخس بسرعة بس قصاد كدا بيزيد بسرعة انا هدفي اوصل لل 50 كيلو عايزة ابئا خفيفة وجالي أحباط ان كل ما اقرب من هدفي اتهاون بالطريقة ديه كل شوية اقول هبدأ من بكرة فأروح اكل كل اللي بحبو قبل ما أبدأ لدرجة ان بزيد فاليوم اللي بسيب نفسي فيه كيلو و اتنين وكنت بنزلهم و أجي بعدها ازدهم بئالي علي كدة خمس شهور يعني بمعني لو مكنتش بزيد وجمعنا الكيلوهات اللي بفضل انزلها ديه كان زماني وصلت لهدفي واكتر لحد أخر مرة ديه زدت 5 كيلو مرة واحدة يعني بدأت من الصفر أنا مش عارفة أرادتي راحت فين انا مكنتش كدة خالص ده انا كنت اللي بشجع الناس أنا بقيت لما ببدأ رجيم وبيبقا مناسب ليا جدا وببدأ أنقص من أول يوم اعمله اصلا أجي من خامس يوم بالكتير وافصل ..
أنا محتاجة مساعدة وتشجيع نفسي علي الاقل اكمل شهر علي بعضه مبقتش عارفة اشجع نفسي زي الاول بس. شكرا مستنية ردكم
عزيزتي
اولا اهلًا و سهلا فيك ببيتك
مع خواتك
واكييييييد كلنا معك ندعمك و نشجعك
لا للتهاون لا للأستسلام لا للتراجع
خليك ورة هدفك حتى توصلي لي
حبيببتي كم وزنك و طولك و كم عمرك
نحن بأنتظارك
^ اهلا وسهلا بيكي حبيبتي
أنا طولي 163.5 و عمري 16 و وزني دلوقتي بقا 60 المفروض وزني المثالي يكون 55 والدهون اللي عندي دي كتير يعني عملالي شكل وحش مش ماية محبوسة فاوزناني انا بشرب ماية كتير انا فالاصل رفيعة بس عشان بحب النشويات والمعجنات عمتا فالدهون دي اتكونت والموضوع مضيقني اوي لاني عايزة الفترة ديه اثبت علي وزن وشكل حلوين عشان علي قدام الجواز والكلام ده هتخن فبعمل حساب لقدام انا لما بدأت اعمل رجيم شهر 4 الي فات بدأت وأنا 62 ونزلت لل 54.4 اقل حاجة وصلتلها ومعرفش زي ما حكيت مبقتش بعرف اسيطر علي نفسي وصلت للفترة الاحساس بالحرمان :s
عزيزتي انت بيبي
وسهل جداً تنزلين وزن
وأنصحك بالرررررريييياضة
ربي يوفقك حبيببتي
يارب حبيبتي
حبيبتي انا نفس نوع جسمك بالظبط وزيك تعالي نشجع بعض خصوصا واني لسة بداة برضة ومحتاجة تشجيع