(اخواتى وبناتى القمرات )
اليوم حنزل لكم طريقة عمل محشى الكرنب خطوة خطوة
وبالصور واتمنى يعجبعكم وتقيمو موضوعى
المقادير
*************************
1-كرنب حجم على قد العيلة
2- كوب الارز ابيض مصرى وبردو دة حسب حجم الكرنبة
1-شبت1-بقدونس 1-كسبرة
3-بصل مبشور
1-معلقة سمنة
2-مكعب ماجى
3كوب مرقة لحمة او دجاج
1ونص -طماطم حمراء
ملح فلفل اسود كمون
الطريقة
******************
حنجيب كرنبة
ونقطعها من عند الراس زى مربع
ونكون غسلين الحوض جيدا
ونضع الكرنبة ونفتح عليها الحنفية وتبقى المية سايبة عليها
اثناء فك الورق ورقة ورقة بفكة بايدى
كدة بقى كلة مفكوك ورقة ورقة
حنضع حلة بما ماء وملعقة كمون و3 ملعقة ملح صغيرة
نضع الورق ونغطسة فى الماء كويس
ياخد غلوة واحدة ونخرجة بسرعة ونضعة فى مصفاة ونشطفة
ولما نخلص خالص نبدا فى فرد الورقة على خشبة التقطيع
ثم نقطعة شرائح هكذا
ونرصهم فى صينية وكدة يبقى سهل اثناء الحشو او اللف
نيجى للتسبيكة
************
نبشر 3 بصلات
ونضرب الطماطم فى الخلاط
ونغسل الخضرةونقطعها ونضعها فى مصفاة
ونغسل الارز
ونضعة فى مصفاة
ودة عشان على ما تسبكوا يكون اتصفت المياة كلها
من الارز والخضرة
ثم نضع الحلة على النار ونضع شوية زيت
ولما يسخن الزيت نضع البصل
وعندما يصبح لونة ذهبى نضع عصير الطماطم
ونتركة يتسبك
ثم نضع الخضرة ويادوب تغلى غلوة بسيطة نقفل عليها
ثم نضعة فى صينية
ولما يبرد نضع الرز
نيجى للف
*********************
اولا مما يتبقى من الورق السميك
اقطعى نصف قطعة الورق السميكة زى كدة
ثم افرشى بها ارضية الحلة هكذا
وهاتى الورقة وافرديها على اتنين من اصابعك هكذا
ثم ضعى قليلا من ارز الخلطة
ثم لفى بيدك الثانية
هكذا وضيقى على اللفة بحيث تكون متماسكة
ويحب دة شكلها الاخير ورصى كل صوبع من المحشى
لحد ما تفرشى كل ارض الحلة هكذا
ثم اكملى لحد ما تملئى الحلة ولكن تتركى صف فارغ حت ياخذ كم المرق ويكمل السواء
نضع الحلة على النار ثم نضع ملعقة سمنة على وجهها
ثم نفردها حتة حتة على الوجة
نكون بنغلى الشوربة ونرش على الوجة الشوربة هكذا
لحد ما يغطى الوجة ولكن ليس كثيرا حتى لا يعجن
وعندما يغلى اضع طبق صغير فى الوسط هكذا
ودة لية ؟؟؟؟؟ عشان دائما الوسط مش بيغلى كويس مثل الباقى
وهذة الطريقة تجعل الحرارة تتجمع فى الوسط ويستوى كلة زى بعضة
بعد ما يغلى ويشرب المرق كويس بس مش ينشف يكون لسة فى حاجة بسيطة
نضع صفيحة على نار هادئة هكذا
ثم ننقل الحلة على العين الصغيرة ونغطيعا ونتركها تتشرب وتتستوى على راحتها
طريقة تقديمة
****************************
حتجيبى صينية مدورة اكبر من دائرة الحلة قليلا
وتضعيها على وجة الحلة
هكذا
ثم امسكيها بايديكى الاثنين
ثم اقلبيها هكذا
وبعدين شيلى الحلة ببطء ودة الشكل الاخير
وبالهنا والشفاء
************
اتمنى ينال اعجابكم
وان اعجبكم فقيمونى
تسلم إيدك ياأبلتي
دائما متميزه ومبدعه كما عهدناك
الله يخليك يارب ولا يحرمنا منك ياقمر
دائما متميزه ومبدعه كما عهدناك
الله يخليك يارب ولا يحرمنا منك ياقمر
صرااااااااااااحه شكله يجنن
يمي يمي
والله جوعتيني
تسلم لي ايدينك الحلوه يا عسل
وتستحقين التقييم
🙂
مرسي ربنا يعطيك الصحه والعافيه دنا نفسي فيه من زمان ومش عرفه اعملهمرسي اوووي ربنا ينولك الي في بالك يارب
ياربي مسويه رجيم 
تسلم إيدك أختي ويعطيك العافيه
تسلم إيدك أختي ويعطيك العافيه
