طبعا كلنا عاوزين شكل المطبخ حلو و كمان ماسورة الغاز ميتراكمش عليها دهون وزيوت واتربة طيب ما انا زيكم وقمت عاملة شاطرة وجبت ورق الفويل وغلفت ماسورة الغاز وبقى المطبخ شكله حلو واترحمت شوية من منظر الدهون اللى على الماسورة على الاقل بفك الفويل واغيره لما بنفض المطبخ بدل ما كنت بنضفه طيب وبعدين ؟
جت مرة زيارة من بتوع الغاز زى اشراف او صيانة كدة بيمروا على المواسير والعداد بتاع الغاز ويسالوا لو فى مشكلة فى البوتجاز او الغاز؟
الراجل اول ما دخل المطبخ ولقى ورق الفويل لقيت بيقول الورق ده يتشال حالا وطلع شاله بنفسه لقى الماسورة رغم انها مدهونة عليها صدأ وانا كنت بشوف الصدأ عادى مش فاهمة ولما اكنت بنفض المطبخ وادعكه مش بيروح بردو فقلت عادى لقيته بيقول الورق الفويل خطر جدا على ماسورة الغاز لانها بتعمل زى سخونية على الماسورة(وماسورة الغاز مش تتغطى باى ورق ) تعمل الاول صدأ ومرة مع مرة تعمل ثقب فى الماسورة ومش حناخد بالنا منه لانه متغطى بالفويل وبعد الشر يحصل حاجة وحشة
فانا حبيت اقولكم على المعلومة دى لانى عارفة كتير بيعملوا كده
واذا لقيتى عندك صدأ فى الماسورة ياريت تبلغى بتوع الغاز يكشفوا على الماسورة ويدهنوها امان ليكى ولاهل بيتك
تسلمي علي المعلومه
الجميله
الهامة..
جزاك الله خيرا