لزاقيات بالصور روعة و لذيذة اتفضلو ياصبايا
لزاقيات بالصور روعة و لذيذة اتفضلو ياصبايا
غالياتي ورات منتدانا الغالي:
أتمنى أن تكونو بصحة جيدة رحت مع أهلي لزيارة لعند خالة ام رعد وهنيك عملتلها كيك رح نزلو قريبا بإذن الله وتاني يوم هي عملتلنا لزاقيات بقا فورا سالتها ممكن صور الطريقة نزلها لرفقاتي بالمنتدى وطبعا هي وافقت وأعجبت بالفكرة كتير بقا الأكلة من بين ادين خالتو أم رعد والتصوير عليي انا حبيت تشاركوني جو أهل الريف ويارب تعجبكن الأكلة اذا عليي انا عجبتني كتير يالله اتفضلو ياصبايا
المقادير:
8 كوب طحين
9 كوب ماء
م ك خميرة
كوبين سكر
كوبين سمنة (طبعا قالتلي خالتو أم رعد ان الأكلة بدها 6 أكواب سكر و 6 سمنة بس لأن أهل المدينة مابيحبو الدسم والحلو كتير بقا هي خففت لنا من السكر والسمن لأن انا وبابا ومامي مامنحب الحلو)
الطريقة:
يخلط الدقيق مع الماء والخميرة ويترك شي ربع ساعة بالشمس بتكون العجينة سائلة وكأنها شوربة
نمسح الصاج بزيت زيتون
ونسكب مقدار زبدية من العجين السائل عليه ونفردها بيدنا
بس تنضج نقلبها عالوجه التاني
ونستمر حتى انتهاء كمية العجين السائل لنحصل على
الآن نذيب السمن بشرط ان يصبح سائل دون أن يسخن كثيرا ونحضر السكر والأرغفة التي عملناها من العجين
نضع رغيف وندهنه بالسمن ونرش عليه سكر ثم نضع فوقه رغيف وندهنه يالسمن ونرش عليه سكر وهكذا حتى انتهاء الكمية
نقطعها بالعرض
ثم بالطول
ونسكب بالاعلى في منتصفها زبدية سكر مشان يلي بدو ياها حلوة يرش سكر عكيفو
وهذا شكلها عن قرب
وكمان
وهي قطعة لأول رد
نسيت خبركن انو السمنة يلي فيها من صنع خالتو أم رعد يعني كانت طعمة فعلا شهية و لذيذة
بتمنى تعجبكن الأكلة متل ماعجبتني
غاليتي لاتنسي لو نقلتي موضوعي ذكر المصدر : دلوعة حبيبها86 (منتدى رجيم)
لزاقيات بالصور روعة و لذيذة اتفضلو ياصبايا
لزاقيات بالصور روعة و لذيذة اتفضلو ياصبايا
تقبلي ودي وتقيمي
أختنا الفاضلة
دلوعة حبيبها
الله يعطيكى الف صحة وعافيةيآآآ غآآآآلية
نسأل اللهَ عزوجل أن يجعل ماتقدميه للمنتدى فى ميزان حسناتك
اللهم آمين
ومروركن بمواضيعي هو أجمل تقييم ووسام يزين مواضيعي
بارك الله فيكن غالياتي
ومشاركتنا هالوصفة الحلوة من ايدين خالتك الغالية
تسلم ايدينها الحلوة
كثير استغربت الاسم لكن الطريقة والعمل ماشاء الله
يبلها احتراف واتقان وخالتى ماشاء الله عليها ماهرة
وافر تقديرى حبيبتى