في الفترة الأخيرة مع انتشار المنتديات بجميع أنواعها ومع انتشار غرف الدردشة وبرامج المحادثة بدأ الإنسان مننا يحتك بأنواع كتير جدا من الناس
بقى يشوف أفكار غريبة ما شافهاش قبل كدة
ومذاهب فكرية جديدة عليه
وبالتالي المناقشات بين الأطراف المختلفة بدأت تظهر بشكل ملاحظ … منها النقاشات الهادئة ومنها النقاشات الحادة
وفي خضم هذه المناقشات … بنشوف إن كل طرف من أطراف المناقشة شايف نفسه هو الصح وهو اللي معاه الحق
وفعلا بيكون فيه طرف هو اللي عنده الحق
ولكن اللي بيحصل غالبا إن كل طرف بيحط جدار حاجز بينه وبين اللي بيناقشه بسبب طريقته الحادة في الكلام
وفي الآخر نلاقي المناقشة انتهت على مفيش
أو إن المشرف قفل الموضوع وخلاص
بمعنى آخر
المناقشة بتبوظ سواء كانت مناقشة على أرض الواقع أو على الانترنت
فكان لابد إننا نتعلم بعض المهارات اللي المفروض نستخدمها في النوع ده من المناقشات بحيث كل واحد يقدر يوصل وجهة نظره بشكل سليم
وفي نفس الوقت يقدر يقنع الشخص اللي قدامه بفكرته مهما كان مختلف معاه
النهاردة إن شاء الله مع قضية
ومعانا بعض النقاط الهامة اللي كل واحد فينا محتاجها أثناء النوع ده من المناقشات
1- انتهز فرص الابتسامة أثناء الحديث 
يعني منين ما تلاقي فرصة تسمح إنك تبتسم أثناء الحديث فإوعي تفوت الفرصة دي
أهمية البسمة في اللحظة دي إنها بتهدي النقاش بدرجة كبيرة وبتدي راحة نفسية للطرف التاني
ولا شك إن الراحة النفسية مهمة جدا أثناء النقاشات دي عشان نقدر نوصل لنتيجة
ولكن خلي بالك من إنك تبتسم بدون مبرر
لأن كدة ممكن الطرف التاني يحس إنك بتسخر منه أو إنك عندك برود شديد وده طبعا بيكون مش في مصلحة النقاش
2- لا تنس أن كل إنسان يحب الإحساس بالتقدير
أي إنسان في العالم بيحب يحس بالتقدير … يحب يحس إنه مهم … يحب يحس إنه عنده حق.
ودي طبيعة في كل واحد فينا
وبالتالي ده بيفتح أبواب ممتازة جدا في النقاش لو قدرنا نستغل النقطة دي كويس
طب ازاي أستغل النقطة دي في النقاش؟
نقدر نستغلها بأكتر من طريقة
أ- أثناء النقاش تقدر تشوف النقط اللي انت موافقه فيها وتبدأ توضحله إنك متفق معاه
يعني مثلا أول ما تلاقيه متفق معاك في نقطة تقول له:
تصدق انت معاك حق!
فعلا النقطة دي مهمة
انت صحيح فكرتني بشىء مهم جدا
وبكده بيحس إن رأيه فعلا ليه قيمة بدليل إنك موافقه
وده بيشبع عنده رغبة الإحساس بالتقدير وده أكيد بيكون في مصلحة النقاش
ب- تقدر تمدحه عموما
فمثلا أثناء النقاش تقدر تقول له:
واضح إنك عندك معرفة كويسة بالموضوع
أو: على فكرة أنا عاجباني جدا طريقتك في التفكير
أو: أنا فعلا مستمتع بالنقاش معاك، واضح إن عقلك متفتحوهكذا وده ليه تأثير قوي جدا في نفوس الناس أثناء النقاشاتولكن إياك من المبالغة في المدح اللي تؤدي إلى الغرور والكبروطبعا كلنا عارفين أحاديث النهي عن مدح الناس في وجوههمولكنا بستخدم المدح هنا بقدر لا يضر بحيث يخدم النقاش مش أكتر
جـ – امدح بعض اهتماماته
ودي نقطة مهمة جدا
أول ما تكتشف شىء من اهتمامات الطرف التاني وانت مؤيده فيها حاول تمدحها
لأنك بمدحك لاهتمامته فانت بتمدحه
وده لاشك بيصب في نقطة حب التقدير
المهم كان واضح من التوقيع إن الشخص ده بيحب يقرأ للناقد ده
فبدأت الكلام معاه بمدح لهذا الناقد، ومدح لكتاباته، وإني بحب الراجل ده جدا زي ماهو واضح إنك بتحبه انت كمان……. وهكذاوبفضل الله الكلام ده جاب نتيجة كويسة جدا والحمد لله رب العالمين
3- امتص الصدمات بكل بساطة.
يعني ما يبقاش ليك ردود فعل قوية على كلامه ولكن خد الموضوع ببساطة
وإياك والعصبية أثناء النقاش
4- كن مرحا بعض الشيء
يعني خلي ليك بعض التعليقات المرحة على الكلام حسسه إن الموضوع بسيط ومش محتاج عصبية
وطبعا لازم تختار الوقت المناسب للتعليق المرح ده وإلا هيدي نتيجة سلبية جدا.وكمان إياك تكتر من المرح والهزار وإلا الموضوع يا إما يقلب هزار وتبوظ المناقشة أو اللي بيناقشك يحس إنك شخص تافه وغير مؤهل للنقاش معاه
5- لازم تكون هاديء تماماااااا
اوعي تفتكر إنك لما تحتد في الكلام معاه أو تبينله إنك متنرفز إن ده شىء كويس بالعكس ده بيقلب النقاش عليك تماماوأقل شىء بيحصل إن الشخص التاني بيقفل عقله ويتربس هو كمان لما يشوفك متعصب
فإياك ثم إياك ثم إياك من العصبية أثناء المناقشات
.6– إياك والتحدي.
أثناء نقاشك معاه إياك تخلي في نفسك شىء من التحديالإحساس بالتحدي أثناء الكلام بيغير نبرة الكلام وبيعطي إيحاءات للشخص الآخر بالتحدي برضهحط في دماغك إنه محتاج يفهم الموضوع مش أكتروخلي عندك شىء من الشفقة ناحيته وده بيكون ليه تأثير قوي في نبرة الكلام
7– ركز على نقاط الاتفاق بينك وبينه وابني عليها الكلام
يعني مثلا تقول له: انت أكيد عارف إن كذا كذا (في نقطة انتم متفقين فيها)
يقوللك: أيوة صح تقول له: وده يتبني عليه كذا وكذا…….وتختم كلامك تقول: وانت أكيد موافقني في النقطة دي فيقوللك بدون تردد: أيوة موافقك
وده لأنه بيحس بشىء من الكسوف إنه يخالفك بعد ما كان موافقك
والأسلوب ده لاحظته كتير جدا وهو فعلا أحد أكبر الوسائل الفعالة في إنك تخلي الشخص اللي بيناقشك يوافقك
ونقدر نقول برضه إن ده بيصب في نقطة الإحساس بالتقدير
أو بتحترمه وشايفه مثال للإنسان الناضج
فاستغل الفرصة دي كويس وبين له إنك بتحبه أو إنك بتحترمه
وده ليه تأثير قوي جداااااااااا في نفس الشخص ده
9- أخيرا اقرأ كتاب في مهارات الاتصال وفن التعامل مع الناس
زي كتاب (كيف تكسب الأصدقاء وتؤثر في الناس) لديل كارينجي
والحقيقة الكتاب ده محدش يحس بقيمته إلا لما يقرأه ويطبق اللي فيه
أنا عن نفسي استخدمت بعض المهارات اللي فيه في موقف صعب في شغلي وفعلا جاب نتيجة ممتازة جدا جدا جدا
الأساليب اللي ذكرناها دلوقتي هي مش أساليب لخداع الطرف الآخر
وإنما انت فقط بتستخدمها عشان توصل وجهة نظرك للطرف التاني بشكل مقبول وبدون عناد أو مشادة في الكلام
تقبلي مروري وانتظر جديدك ومشكوره ..