مرحبا بيكم جميعا وحياكم مع خلطاتي الروعه الصراحه انا بحب اعمل كل شي بنفسي وما بحب الجاهز ابدا ولا كريستان ديور ولا شانيل ومدري شو خليكم مع ماركه ام احمد احلاهم ——— بلشت غرور
شوفو يا طويلات العمر بالمواد نفسها بعمل لبشرتي ولشعري ولعيوني كمان وشي ولا بالخيال يعني 3 في 1
طبعا الصور تصويري مني انا شخصيا وما نزلته باي منتدى بس لالكم حبايب البي وقسما بالله شي روعه خليكم معاي راح بلش بالبشره طبعا راح اتكلم عن الماسكات والشغلات التانيه بموضوع تاني بس هلا راح احكيلكم عن الكريم المرطب صنع ايدي والله وكتير مرتاحه عليه راح يغيرك 80 درجه عن تجربه وموثوق جربوه ما راح تندمو وانسو كل الكريمات الكريم ليلي يعني بتضعيه بعد صلاه العشاء للصبح وفوائده
1 بطري بشكل خيالي بيعطي نعومه متل الحرير وراح تشوفو اول ما تحطيه
2- بيفتح البشره مع الاستمرار
3- بيمنع الترهل خاصه بعد الرجيم لانه فيه فيتامينات وبيشد
4- بيعطي نضاره بشكل رهيب بعد شهر تقريبا راح تلاحظي هالشي واهم شي اهم شي اهم شي لازم تحطي ماء ورد بارد بعد ساعه من وضعه عشان المسام
ملاحظات مهمه للكريم لازم تحطيه بالليل عشان فيه جلسرين وزيوت والصبح ضروري تغسلي وجهك وتنظف جيد ولو مضطره تطلعي لا بد من الواقي هاد شي اكيد مع اي كريم
ولا تنسي متل ما قلت لازم ماء ورد او تلج بعد ساعه من وضعه والله بنات الكريم روووووعه
وهلا نيجي للكريم
المواد
كريم جلوسيد الاحمر انا عندي النوعين وصراحه التاني سوفت بيجنن للترطيب
جلوسيد سوفت كريم
جلسرين
زيت جنين القمح
زيت البابونج
زيت الورد
زيت اللوز المر:
فيتامين اي
زيت السمك
شمع العسل من عند العطار
فيتامين سي ولو مش موجود حطي بداله ليمون وبرتقال
طلع النخيل بيحتوي كتير فيتامينات
ونشا
زيت اكليل الجبل وهاد ممتاز خاصه للشد وباميريكا بيستخدموه للتجاعيد
الطريقه
نذوب قرصين من فيتامين سي بعصير ليمونه
نذوب شمع العسل على النار او ممكن بالميكروويف بس انا ذوبته على النار ———هاي قلايتي تبعت الخلطات
ناخد معلقه جلوسيد
ونضيف الجلسرين والفيتامين ونسكب الليمون وفيتامين سي وباقي المواد كلها مع بعض
طبعا نحنا بنخلط كل المواد مع بعض وبنضيف الفيتامين مع الليمون ونحط الشمعه بعد ما تذوب زي ما شفته وهي سخنه لانها بسرعه بتجمد وبنخلطهم
وهاد شكلهم بعد الخلط وهاي الكتل اضربيها بالخلاط كلها بتروح
بس انا هلا راح اعمل الخلطه التانيه خليتها بعدين
هاد هو كريمي ومن اختراعي قسما بالله بس فعلا جاب نتيجه وخلص من يومين واليوم رجعت عملت كميه وقلت افرجيكم عليه على الله الافاده لاني فعلا استفدت منه كتير ومتل ما لاحظتو كله فيتامينات ومواد طبيعيه والزيوت مهمه كتير خاصه للتجاعيد والترهل وباقي المواد كمان كلها مفيده وراح اترك لالكم الحكم
ملاحظه صغيره اول ما تحطي الخلطه ممكن تحسي بوخز خفيف من زيت الورد واللوز بس بعد يك عادي يعني لا ترتعبي
وانتبهي ما بينحط حول العيون ابدا انتبهي على فكره انا بشرتي مختلطه
الموضوع باين من اوله جميل كالعاده يا ام احمد يا قمر انتى
متابعاكى بامر الله وتم التقييم لعيونك
وهلا نيجي لخلطه الجسم وهاي صراحه فعلا رووووووعه كمان جسم نعومه جنان وكمان ريحه احلى واحلى
المواد
كريم زبده الجسم اي ريحه بتحبيها انا بحب زهره العشق ريحتها جنان
كريم الاطفال انا كنت بستخدم جنسون بس لاقيت هاد ارخص وريحه تجنن وبيطري كتير
زيت جنسون صراحه انا بعد ما نزلت الصور وخلصت اتزكرته
زيت جنين القمح والبابونج
وجلسرين
وجلوسيد
شويه ليمون وبس
ملاحظين المواد تقريبا نفسها
الطريقه
انا بحطه كل يوم بالليل وايام بعد السنفره بدهن زيت زيتون وبلف جسمي ساعه او اكتر وبتروش وبحطه يعني حسب فضاوتك بس الاحلى بعد زيت الزيتون بجد بيجنن جسمك بيصير ناعم وريحه جنان
نخلط كل المواد مع بعض وبتدهني فيها وقت ما نحبي
وهون بعد الخلط
وهون الكريمين مع بعض البشره والجسم
كريم للعيون وهاد كنز فعلا
اي وحده عندها هالات او بتحس عيونها فاقده نضاره او خطوط تحت العين هاد الكريم ممتاز بس ديرو بالكم ما يدخل بالعين ولا تكتري حتى ما ينزل بعونك والاهم من هاد كله حطيه بس عند النوم يعني قبل ما تنامي مباشره طبقه خفيفه جدا لا تنسو لانه صح كتير مفيد للجفون بس ما نضمن العيون انتبهوووووووووووو انا والله بستخدمو كل يوم بس ما بخليه يدخل بعيني ابدا بحطه قبل ما انام يعني بعد ما تفكري بكل هموم العيله وتيجي تغفي ههههههههههه
المواد طبعا كلها منزله فوق بس هادول صوره الخلطه جاهزه وزيت اللوز الحلو
زيت جنين القمح
زيت اللوز الحلو ركزو الحلو الحلو الحلو لا تحطي المر بيحرق الجفون وتروحي تدعي عليا بدل ما تدعيلي اللهم اني بلغت
زيت السمك
فيتامين ي
فيتامين ا
قدر معلقه عصير خيار
قدر معلقه عصير بطاطا
صراحه انا ما صورت الطريقه لانه عندي كنت مجهزاه من اسبوع وما عملت اليوم فصورتلكم يالي عندي وهاد هي العلبه صح صغيره بس تكفي مده طويله يمكن شهر او اكتر لانه نمسح مسحه خفيفه براس الاصبع
ويا ريت قبل هيك تكوني حاطه كماده بابونج وشاي اخضر دافيه وامسحيهم بتلجه من ماء الورد او خيار متلج وبعدين بتحطي الكريم قبل النوم متل ما قلت لكم
وهاي الخلطه جاهزه
على فكره انا كنت بحط الانولين ممتاز وطريقته متل الشمعه بتذوبيه وتضيفيه للخلطه بس انا صراحه هاي الخلطه ما كان عندي
وبكرر بنات مسحه خفيفيه وقبل النوم اهم شي ما يدخل العين لاني مره حطيته ودخل بعيوني حرقوني كتير لهيك حاولي ما يدخل بعيوتك ومسح اخف شي لا تيجي بكره تقولي ام احمد شالت البصر عندي هههههه لا سمح الله
وباذن الله راح تعجبكم اكيد جربوهااااااااااااا ولا تنسو تردو النتيجه
وان شاء الله راح انزل طريقه ماسكات العيون والبشره وبالصور كمان وطريقه العنايه كامله مع النصائح والله لتحسي بقرق كبير
واهم شي كتري ماء وعصير برتقال يوووووووووه شو حلوين للبشره وشوفي حالك كيف صرت انسانه تانيه باشياء بسيطه ببيتك وبدون مواد كيماويه
وهلا راح انزل خلطه الشعر كمان بتجنن
يا ربي اكون افدتكم بشي بسيط ويالي تجرب هاي الامور يا ريت تحكيلنا رايها عشان البنات يستفيدو تمنياتي لكم جمال دائم
حصريا من ام احمد فقد لرجيم
يا سلام عليكى يا ام احمد دائما مبدعه
حبيبيه البي الابداع وجودك هنا يا عسل
الف رشكر لمرورك الرائع
ما شاء لله يا أم أحمد الكريم تحفة
أحلى تقييم