اخواتى العزيزات جبت لكم اليوم طريقة عمل البيتزا ذى بتاعة بيتزا هات شوية
اول حاجة المقادير
كيلو دقيق
كوب زيت اى نوع عندك بس طبعا مش زيت العربية
كوبين زبادى و بتوع دول الخليخ بيسموة روب
حبة ملح
حبة فلفل
كيس موقة فورية
ملعقتين كبيرتين خميرة فورية
ملعقة كبيرة سكر
تانى حاجة الطريقة
تجيبى الدقيق و تحطى علية الملح و المرقة الفورية من فاين فودز و الفلفل و الخميرة الفورية
و بعدين تحطى الزيت و تبسى الدقيق جيدا بالزيت
ثم تحطى الزبادى و تعجنى بيها الدقيق
و بعدين تعجنى بالماء الدافئ الى ان تحصلى على عجينة لينة ممكن تفدرى تفرديها يعنى لا هى اللى ماسكة ولا هى اللى طرية
و بعدين سبيها قيمة ساعة تخمر شوية
و فى الوقت دى جهزى الصلصة
مقادير الصلصة
4معالق صلصة جاهزة يعنى مش طماطم معصورة
معلتين زيت
كيس مرقة فورية
3 فصوص ثوم مدقوق جيدا جدا
طريقتها
تحطى كل مقاديرها مع بعض و عليها شوية ماية و تسيبيهم على النار مدة 5دقائق
عصجى اللحم او اى حاجة انتى عوزاها سواء برجر او سوسيس اى حاجة انتى عاوزاها
و بعدين حمى الفرن على اعلى درجةو افردى العجينة فى الصنية و حطى عليها الصلصة و بعدين اللحم او اللى انتى عاوزاة و الزيتون و الطماطم و الفلفل و حطيها فى الفرن و قرب ما و شها يحمر حطى الجبنة و بالهنا و الشفا
جزاك الله خيرا