اليوم اتغديت اكلة كنت بعملها من زمان وقلت اصورها لعيونكم وياريت تعجبكم
احلي مافيها انها بتشبع ولذيذه ودايت
المقادير:
4 قطع برجر
فصين ثوم و2 بصلة
فلفل رومي اوعادي
رشة ملح وفلفل اسود
مكرونة ويفضل بدقيق السامولينا لان السعرات مكتوبه علي الكيس
2 طماطم
معلقة كبيره صلصة طماطم
معلقة كبيره صلصة طماطم
زيتون اخضر
بقدونس
الطريقة:
اولا
اسلقي المكرونة وصفيها واشطفيها واتركيها تصفي وتبرد
قطعي البقدونس وفص ثوم والزيتون الاخضر وشوحيهم يفضل بدون زيت يعني ضعي بعض الماء حوالي معلقة صغيرة وشوحيهم فيها
بعد كده ضعي معلقة الصلصة ورشه الفلفل الاسمر وزودي ربع كوب ماء واتركيها علي النار قليلا
اضيفي الصلصة للمكرونة وقت الاكل
نيجي للبرجر :
اولا اسلقي البرجر سلق خفيف ازاي اقولك اناء به القليل من الماء ونرص فيه البرجر ويغلي غلوة وننزل منه الماء هذه خطوة مفيدة للتخلص من الدهون
ثم شوحي البصل والثوم بعد تقطعهم طرنشات وكمان الطماطم والفلفل كلهم معا
ثم احضري صينية رصي الخضروات وعليهم البرجر حاولي تخلطي البرجر مع الخضار عشان يتشرب الماء الخارج من الطماطم والبصل
غطي الصينية بورق الالومنيوم
دخليها فرن ساخن علي الرف
بعد حوالي ساعة الاربع خرجيها لوبتحبيها نشفه افتحي الشواية خمس دقائق
وكلي بالف هنا
ولو في اليوم الفري ممكن تجيبي عيش كايزر ومايونيز وكاتشب وخس وتاكلي احلي ساندوتش
انا هاكلها مع المكرونة والخس الكابوتشي
اتمني انكم تجربوها هتعجبكوا اوي
ايه يابنات فين الردود
ما شاء الله دينار تسلم الايادى حبيبتى الاكله رائعه وشهيه جدا
انا شاء الله اجربها فى اقرب وقت 🙂
لى طلب حبيبتى الصور بعد ما ترفعيها حتظهر لك صغيره اضغطى على الصوره الصغيره حتلقيها ظهرت لك فى صفحه بحجمها الطبيعى وحتكون كبيره واوضح
فى انتظار المزيد من وصفاتك الرااائعه
مشكورة حبيبتي نورتي موضوعي
شكرا كمان علي النصيحة دي جزاك الله خيرا
[/center]
روعة روعة روعة
تسلم الأيادى يا قمر بجد اكلة تحفة
منورة القسم بمواضيعك الجمييلة
مبروووووووووووووووووووك الوسام
انا فى انتظار جديدك يا قمر
بحبك يا دينار