اليوم عملت بريوش خفييييييييييف تحضيرو سريع ومقاديرو بسيطة و ذوقو لذيذ و ريحتو ممممممممممممم انتعاش البرتقال ههههههه دعاية للمنتوج
شوفو وش تحتاجو
500غ فرينة يعني طحين ابيض
بيضة وحدة
5ملاعق كبيرة سكر عادي
ملعقة كبيرة مش مليانة و نص مش مليان خميرة خبز
شوية ملح
2ملاعق مليانين زبدة طرية
قشور برتقالة ويمكن تضيفيلهم قشور ليمون مع بعض…المنكهات الطبيعية هاذي رهيبة
حليب للعجن
اول شيىء كالعادة شوية سكر مع الخميرة و الحليب يخمرو 10 دقايق مغطيين بكيس و منشفة
نخلطو الفرينة و الزبدة و البيضة و الملح و القشور ثم نضيفولهم الخميرة ونبقى نزيدو الحليب بالشوية حتى تحسي العجينة تلصقت شوية في ايدك
غطيها و خليها 5 دقايق و ارجعي شوفيها تلاقيها شربت الحليب زيديها بالشوية حليب و اعجني تحسيها طرية في ايدك و تلتصق ماتخافيش منها..
شوفي عجينتي قبل ماتخمر
غطيها ببلاستيك ثم منشفة ثم بطانية الجو بارد والزكام بينتشر بسرعة هههههههه
احنا عندنا البرد لذلك العجينة نغطوها مليح و الا ماتخمرش و لو بالكيس
بعد ما خمرت حاولي تخرجي الهواء منها وما تعجنيهاش و ابدئي في التشكيل بنات انا نقشت العجينة لكن بعد ماخمرت بقت فقط الاثار ههههههه
بصح عجبتني فكرة النقش عليها المرة الجاية ان شاء الله اتعمق بالنقاش داخل العجينة
ورجعيها تخمر …..هنا خمرو و دهنتهم بصفار البيض وشوية زيت وسكر للمعان البريوش….فكرة تعلمتها من حورية المطبخ….
وزفيهم للفرن وشوفي كيفاش خرجو
وبعد انا هنا دهنتهم بمربى ورشيت عليهم جوز الهند للديكور
هيا حبيباتي استنى ردودكم الحلوة وتقييمكم
حبيباتي اليوم عاودت درت البريوش لكن بشكل حروف كل واحد في العائلة باول حرف من اسمو واذا وجد اسمين يبدو بنفس الحرف يتقاسمو البريوشة هههههه
هنا بعد ما شكلتهم و خمرو شوية برك كنت مزروبة ماخليتهمش يخمرو مليح ودهنتهم و رشيت عليهم سمسم
هنا بعد ما طابو
وشوفو الان صورتي انا و زوجي ههههههه
وهذه صورة عائلتي يعني والديا و اخواتي
وهذه صورة عائلة زوجي ….ما كررتش الحروف
اما هاذي صورة جماعية التقطناها في المنتجع السياحي الصيف اللي فات هههههههه
اتمنى عجبكم الالبوم و قولولي وش رايكم في الفكرة
بريوش رائع
تسلم الايادي اموره
ومن غير سؤاال
شكرا
تستاهلي التقييم
أحلى تقييم ..
تسلم ايدك فعلا شكله وطعمه رهيب انا حاسة انى تذوقته خلاص ههههههههه
نهول انا اخدت اللى بالمربى
شكرا يا اميرة على الطبق
بريوش شكله روعــــــــــــــــــــــة
تسلم ايديك ويعطيك الف عافيــــــــــــــــــــــــة
بانتظار جديدك
