السلام عليكم ورحمة الله وبركاته
صباحكم ومسائكم خير
اليوم جبت لكم طريقه الجريش
هي أكله روووووعه وأنصح الكل بتجربتها
بسم الله نبدأ
أولا حب الجريش هذا شكله ويجي محموس ويجي عادي
هذا أثناء حمسي له
هذا بعد ماأخذ اللون الاشقر على بني وهذا هو المطلوب
هنا نكيل منه على حسب من 2 إلى 4 مكيال
الحين نجهز البهارات وهي دارسين وكركم وفلفل وبهارات مشكله + معجون الطماطم + ملح
هنا البصل الاحمر والاخضر + الثوم + صدور دجاج انا أستخدمت صحنين من صدور الدجاج كاافيه **البصل الاخضر أختياري**
المقادير أكتملت والكامل الله 
ناخذ قدر كبير نوعاًما ونسخن الماي والماي يكون مقادره ارفع من نص القدر بشوي ونضيف الدجاج
ع البصل والثوم
ع البهارات
ع الجريش
ع الملح
ع الزيت تجي بيالة شاي او بياله ونص او اكثر بشويه فقط 
الحين نغطي القدر حتى يغلي اول غلوه بعدين نقصر عليه حتى يتسوي
هنا أستوت صدور الدجاج والجريش ونشف الماي يعني مو ينشف لما يحترق لا أنتبهي يعني لما الاكل يتشرب الماي ويستوي تكون خلصت الطبخه
هنا لما يخلص كل شي وأستوى لازم الجريش على المقادير كلها تنضرب بالملاس يعني تدق يعني تاخذينها على بعضها ومثل حركة الهاون عارفه كيف مثله بالبضبط
هنا أول طبق
ثاني طبق
المائده كامل
وبكذا أنتهى الموضوع
أتمنى ينال طبقي الشعبي على أعجابكم
سبحان الله وبحمده سبحان الله العظيم
تسلم الآيادي غاليتي
أحلى تقييم
وبما اني أول رد
آخذ الأطباق لي وللعائلة الكريمة
لأن الجريش من الأكلات المرغوبة جداااااااااااا
عندي وعند كتاكيتي
منوره الحته وعوافي عليك انتي وكتاكيتك
مشكوره وماقصرتي يالغلا
ممكن ينقل الموضوع لقسم الاطباق الرئيسيه
بس هو ايه الجريش ؟؟؟؟
الجريش هو الهريس لاكنه مجروش
والهريس يسمى بالمصري البليله
على حد علمي وهذا الي عرفه
نورتي يالغلا