المقلوبة
انا بعملها مرة على زهرة ومرة على بيتنجان
مقلوبة الزهرة على لحمة هيك بحبها
ومقلوبة البيتنجان على دجاج
نيجي للمقادير
زهرة صغيرة
جزر حسب الرغبة
وزر بطاطا
وقرن فلفل حر
ولحمة خاروف
بنسلق اللحمة عادي وبنحط معها جميع انواع البهارات
بننقع رز وبنخلط رز مصري مع بسمتي
بعدين بنبلش بالقلي
بنقلي الزهرة والجزر والفليفلة والبطاطا
بنكون طبعا سالقين اللحمة وبنحطها بالطنجرة ويعدين بنصير نقلي بالخضار وبنحطها فوق اللحمة
هون بس خلصنا كل الخضار
بنقلي بنفس الزيت الشعيرية انا بحب احطها
بتخلي كل حبة لحال وما بخبص
طبعا بنحط البهارات عالرز
هال مطحون وبهار مقلوبة وفلفل اسود وقرفة وعصفر وشوية ملح
وبنصفي مرقة اللحمة وبنحط معاها معلقة ماجي بتعطيها نكهة روعة
ونسلق المقلوبة عادي
وبس تستوي بنفرم بقدونس ناعم وبنقلي لوز وصنوبر ممممم
وهاي مقلوبة بس على بيتنجان ودجاج
نفس الطريقة
وهلأ بنيجي للازانيا
بعملها بطريقة سهلة وكتر زاكية
بستخدم معكرونة اشكال كتير بحبوها للولاد
اول اشي بنسلق المعكرونة بمي وبشوية ملح وشوية زيت
بنعمل حشوة اللازانيا
بصلة كبيرة
لحمة مفرومة ناعم
جزر مبروش وفليفلة حلوة مربعات صغيرة
شوية فلفل حر
بهارات وملح
بس يستوو بنحط معهم شوي مي ورب بندورة
وبس تسبكو منيح بنحط زعتر اخضر ورق
بعدين بنعمل البشاميل
انا بجيبه جاهز بس بضيف حليب عليه
بحط نص خلطة البشاميل مع المعكرونة
بنحط شوية بشاميل بالبايركس وبعدين بنحط نص المعكرونة
وبنضيف الحشوة وبنبشر عليها شوي جبنة كرافت
وبنضيف شوية بشاميل عاللحمة
وبعيدن بنحط باقي المعكرونة
وباقي البشاميل وبنبرش شوي جبنة
وبنحطها بالفرن لمدة تلت ساعة
وهاي بعد ما طلعت صينية اللازانيا
جربوها صبايا طعمها روعة عنجد وكا من داقها عندي كتير حبها
كل سنة وانتو سالمين يارب
منقول
مشكووره ع النقل
بارك الله فيك
🙂
حلووووووووووين
عاشت الايادي
