هاي ياعسولات
كيفكم اليوم ان شاء الله بخير
هي مشاركتي الثالثةفي مسابقةأكل صحي=جسم رشيق
الطبق الرئيسي:
يالنجي باذنجان
وهاليالنجي قصته قصةرح احكيهالكم
صاحب الفكرةأبوالشباب رجع مبارح عالبيت وجايب معوباذنجان وقال:بتعرفي تساوي يالنجي؟لأنهاجايةعلى بالي كتير
طبعادقيت على صدري وقلتلوا:لكن شوعلى عيني أنابعرف أناطباخةشاطرة
مع العلم أني ماجربت أعملهابعدالزواج أبدابس دايمابناكلهاعندأمي أوحماتي الله يخليلنااياهم وبشوفهم شلون بيعملوهم وبساعدهم بطبخها
بس سبحان الله ماجربت أطبخهاأبداخخخخخخخخخخخخخخ
هي أكلةشاميةكتيرطيبةواسمهاالثاني(المحشي الكذاب)يعني مافيهالحمةولادهن ولاسمن متل المحشي اللي عملته من فترة
وهي كتيرخفيفةبزيت الزيتون بس بدهاوقت للتحضيربس النتائج روعة
أول الشي حفرت الباذنجان بدون ماقص الخضاراللي حوليهامشان ماتتشقق من أولهاوقت الحفرونقعتهابالماءمن شان مايصيرلونهاسوداءمن الداخل
نقعت الرزوبلشت جهزالحشواللي هوعبارةعن الخضراوات:بندورةمقطعةناعم كتير+بقدونس مفروم+ثوم مدقوق+بصلةمقطعةناعم كتير+فليفلةخضراءمقطعةناعم كمان
أماالبهارات هي:ملح+بهارات+نعنع جاف+بن (القهوةالتركيةالعادية)لاتستغربوانكهتهاكتيرطيبة+عصي رليمون
طبعاالمقاديركلهاحسب الرغبةبدون تحديدللكمية
حطيت البهارات والخضراوات المقطعةعالرز
حطيت زيت زيتون قدرملعقتين كباربس+رب البندورةقدرملعقتين كباركمان+دبس رمان(طبعاشغل ايدي موجاهز)+نصف عصيرالليمون
حركت الرزوهي شكله منظرةروعةوالألوان بتشهي والريحةجنان
تركت الرزمع التتبيلةربع ساعةليتشرب النكهات
حشيت الباذنجان طبعاالباذنجان لازم يكون صغيرشكله أحلى بس أناللأسف كان حجمه كبير
حطيت بندورةمقطعةبأخرالطنجرةمشان مايلزق الباذنجان وممكن تحطي بطاطادوائراذابتحبي بعدين بلشت حط الباذنجان
التتبيلةاللي مان الرزفيهالاتكبيهاهي الأساس
حطيت ماءفوقهاونزلتهاعالباذنجان غمرهم وحطيت دبس رمان للمرقة+زيت زيتون قدرملعقتين+رب البندورةحسب الرغبة+ملح
حطيتهاعلى نارقويةحتى تغلي وتركتهاخمس دقايق بعدين هديت النارشوي موكتيرمشان ماتطلع طعمةالرزكأنه مسلوق
ولمااستوت سكبتهاوحدةوحدةبكل حذرمشان مايتشقق الباذنجان
يعني الباذنجان لحال والمرقةلحالها
وهي شكلهاالنهائي بس لوكانت حجمهاصغيرشكلهاأحلى
شلون شفتوها؟
انشاءالله تعجبكم طريقتي
ورجع أبوالشباب وذاقهاوحبهاكتيييييرمع أنوالأفندي مابيعجبواالعجب
فعلاطعمتهابدون مبالغةروووووووووعةولاالريحةواااااوبتغوب القلب
جربوهامابتندموا
على فكرةهي أكلةباردةيعني بتتاكل عالباردموسخنة
متبل باذنجان
أكيدعم تقولواشوصايرلهاهي مع الباذنجان؟
والله نحنابنموت بالباذنجان
شوفواالطريقة:
شويت الباذنجان عالغازهيك
وهي شكلهابعد ماشويتها
وهي شكلهابعدماقشرت القشرةعنها
طحنتهابالمولينكسوحطيت عليهاحلاوةطحينية
حطيت ثوم+ملح+بقدونس مفروم
حطيت فوقهالبن رايب عادي ونخلط
وهي شكله النهائي
وهي شكله مزين
انشاءالله تعجبكم وصفاتي
لاتبخلواعليي بالردود
ناطرتكم
عن جد عن جد روعة روعة روعة
انت بس قوليلي وين بيتك وانا بسمعك الرد بادنك
انا سورية وبعرف هالاكلة بس بنصح الكل يجربها
كبي المزح انا قايمة البس اشاربي وجاية
قيمياي حصتي
ممممممممممم
تسلم الايادي رووووووووووووووووعة ماشاء الله
روووعة ماشاء الله اليلنجي والمتبل شكلهم بشهوا عن جد
يسلم ايديك ِ حبيبتي بناتي جنوني طالبينها من زمان خلص شجعتيني اعملها
تقييمي واعجابي
انت بس قوليلي وين بيتك وانا بسمعك الرد بادنك
انا سورية وبعرف هالاكلة بس بنصح الكل يجربها
كبي المزح انا قايمة البس اشاربي وجاية
قيمياي حصتي
ممممممممممم
والله أناحبيتك كتيرمع أني مابعرف أنك من سوريا
للأسف أناحاليابالأردن لشغل زوجي بس بالشتاء وانشاءالله بنزل عالشام بشهر5
بدي أجي لعندك بس أنزل باذن الله
بتدليني على بيتك وبجي براسي لعندك
والله أني حبيتك في الله من أول ماشفتك
والله فعلاطلعت طيبةكتيروياريت فيتي دوقكم اياهاأنتوأخواتي الغوالي وأهلي كمان بس شونعمل
الحمدلله على كل شيء
نورتيني حبيبتي وفرحتيني بزيارتك الحلوة
تسلم الايادي يا قمر
انا اخذت هاد
وطبعا تقيمي للمتبل انا بموت فيه و مخصوص اطلبو في المطعم السوري
متبل وفتوش وكبه و عرائس … ما راح اكمل عشان انا في قسم ريجيم