طبق لذيذ و صحي ومايزيد الوزن بالعكس ممكن تنحفي عليه
لانه ببساطه يتكون من دجاج مشوي وسلطه اللي هي الخضروات وزبادي وخبز نخاله ويمكن الاستغناء عنه
بس هو لذيذ مع السلطه
اول شي تجيبي همبرقر الدجاج او اذا عندك صدور دجاج سويها ستيك المهم دجاج خالي من الجلد
وحطيه بالشوايه واذا ماعندك شوايه تقدري بالتيفال او بالفرن اهم شي يكون مشوي الدجاج بدون اي اضافات من زيت او بهارات لان الطبق دايت لاتنسي مانبي نخرب علينا بشي
بعد كذا تقطعي السلطه الخضروات اللي تبينها انا قطعت خس وطماط وخيار وجرجير وملفوف وكراث
وانتي وذوقك عاد
بعدين تجيبي زبادي خالي الدسم او قليل الدسم وتحطيه بزبديه وتخلطي معه ملعقه لبنه قليله الدسم وملعقه صغيره خردل ورشه ملح وفلفل وكمون اذا حابه واعصيري ليمونه معه واذا تحبين المايونيز ممكن تضيفي ملعقه صغيره ..
بعد كذا حطي السلطه بصحن وقطعي الدجاج مكعبات او شرائح اللي يناسبك وحطيه فوق السلطه
