إبكي يا بلادى
انت في وادي
وحكامك في وادي
لسه بيقولوا على المش
قشطة
لسه بيقولوا على العك
خطة
لسه بيقولوا على السرقة
تهادى
ابكي يا بلادي …
انتهى
وقت الكسوف
انتهى
وقت الخسوف
صوت دموعك
سامعاه بينادى
بالرحمة سامعاه
بيصرخ
حبايبى يا ولادى
حبايبى يا ولادى
ابكي يا بلادى
يمكن ضما ير
أكلها العفن تصحي
لما تشوف جنينك
بيشق كفنه المتحنى بدمه
وخارج
لأجل يهديلك
منديل شهادته
فدا عيونك
فدا نيلك
فدا بكره
اللي جاى يغنيلك
تعيشي يا مصر
حره ..عزيزة ..
ومنصورة
على كل اللي ظلموكى
وخانوكى
وباعوكى
وخلوكى
في عيون ولادك
ذليلة مكسورة
ابكي يا بلادي
ابكي يا بلادي
وماتخافى من الضلمة
دمائنا زيت قناديلك
ولو نملك عمر فوق العمر
نعطيلك
ابكي يا بلادي
واروى بدموعك
أسفلت مزروع
كرات دم طرحه
سنابل
صارت بفعل حبك
في وش عدو ينك
قنابل
ولو يقتلوني بغدرهم
ألف مرة
أنا قابل
أنا قابل
يارب احمي مصر وعدينا من الازمة علي خير
كلمات جميلة معبرة و ان كانت
مملوءة بالحزن و الغيوم..
لن تبكى بلادى و لكنها ستصمد
امام اى عواصف..بل ستقف
شامخة.. ابية.. عزيزة..
فى انتظار فيض اخر من قلمك
العذب تمسحى فيه
هذه الدموع التى ذرفتها بلادى
هنا..
كلماتك جميله و حزينه ولكنها تدل على مدى حبك لبلدنا الغالي
مصر دائما ستظل سالمه بأذن الله
بجد انا قريت نصها بس
وانا اللي هبكي اهه
ويارب كلنا نبطل بكي
يارب الافراح تبدا باه ومنبطلش فرح
يارب لاتؤاخذنا بما فعله السفهاء منا
واعف عنا واغفرلنا وارحمنا
انت مولانا فانصرنا علي القوم الكافرين
بنات محتاجين لدعواتكم لمصر متبخلوش عليها
والله تستاهل مننا اكتر من كده
الله المستعان
وعلى اللى بيحصل لشباب مصر