اقري وانا بكتب قصيده واشعل الساحه حريق
باقي كثر ماراح واللي راح نصف اللي بقى
وان ماوصلتْ لغايتي بموت في نصف الطريق
يابنت يوم امطر غلاك في قلب ضيدان وسقى
تدرين وش سـبة شقاها وسبة الجرح العميق
شقاها من يمناه واسم الشيخ والنفس امحقى
والجرح منك يا أعذب العذبات يالموت الرقيق
يابنت مادام البدو تخلف هقاوي من هقى
وانا بدوي متني يشيل من الزمن مالا يطيق
ابى افتخر حنا بدو نعشق على وضح النقى
حنا بدو فينا الولد للقمه العليا عشيق
حنا بدو فينا الولد لو شاف موته مااتقى
حنا بدو فينا الولد يرقى ولوماله رفيق
حنا بدو فينا الولد لامن رقى رقى رقى
الين يوصل غايته لو كانت في قمة طويق
يابنت جيتك والثمن عمري ابي ليلة لقى
يامّا كذا ولا بلاش من الصداقه والصديق
وساعة تبسمتي وشفت الجمر والثلج اصدقى
قلت ان شهد ان الموت حق وصحت لك صيحه غريق
واعتقت دمعي والزعل والحزن لرضاك اعتقى
وقفه عيوني في عيونك ياعساها ماتفيق
وآمنت باللي سخرك تقرين صفحات الشقى
واشعلت بردي في دفاك وشبت الساحه حريق
ننتظر جديدك
تقبلي مروري
اشكرك على هالنقل ولكن مكانها الساحة الأدبية وليس أبداع القلم
لأن أبداع القلم خاص بقلمك أنتي وليس المنقول
واعلم أنك عضوه جديدة لم تنتبهي للصفحة
لك الف تحية ومنتظره أبداعاتك في هالقسم