انا عزيزة نفس 2024.

بدري عليك انك تهين وتذلني انا عزيزة نفس والذل فالك

ترى الكلام اللي حكيته وصلني..
ويا للأسف مدري وش اللي جرالك..

وش اللي جرى لعقلك يفكر يضرني..
أنا أهينك وأبتعد عن مجالك..

أنا صحيح إني صغيره بسني..
بس إنتبه حبي ترى حيل هالك..

لا لاتخليني أحطك بظني..
والله لعزي فيك عمك وخالك..

دام العذاب فنون أخضع لفني..
عندي العذاب أشكال ماهي فبالك..

نصيحتي أبعد بعيد وخلني..
أخترت أنا الفرقى وبنهي وصالك..

أحذرك ماهو بتهديد مني..
ماينفعك لو قلت كلي حلالك..

شفتك قدرت تعيش عني متهني..
ولاذكرته قلب عزك وشالك..

ما أقنعك بكذبك ولاهو يهمني..
تكذب على نفسك وتتبع خيالك..

لاتعتقد أني أصدق تحبني..
حتى عيونك تفضحك وإنفعالك..

بدري عليك إنك تهين وتذلني..
أنا عزيزه نفس والذل فالك..

أعشق منو تعشق لاتحرني..
أنا لقيت اللي يحبني بدالك..

وإذا لـمحت الهم بعينك يسرني..
تبعد عن العالم واشوفك لحالك..

تذكر كلام قلته العام عني..
منت بقده وأحسن اللي جرالك..

أحسنتِ الاختيار
دائمًا مميزة في النقل والطرح
تقديري وودي

اترك تعليقاً إلغاء الرد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.