~ جريـــــــدة ~
في كل صباح .. تحمل العالم يديني
أخبار .. مآسي .. حروب
أقرأها في طي الجريدة
والجريدة .. أخبارها سادة
في الزاوية آخر خبر ..
واحد في الانعاش ..والثاني انتحر ..!
وجنبه اعلان :
الليلة حفلة يحييها فنان !!
قالوا: ذا " صانع سلام "
بعدها بصفحات .. صورة مدينة
و مباني حـــزينة ..
وحشية و دمار ..
ياحلوها الاخبار ..!!
والجريدة اخبارها سادة ..
إعلان : ضاعت كلبة فلان .. واللي يلقاها له جائزة مليون
إعلان : ملايين البشر من جوعهم يشكون .. !
حادث: في تمــام الساعة الفاجعة من منتصف الويل .. حادث اغتصاب .. طفلة يعتدي على عرضها شاب ..
و القهر .. ماتعدت من عمرها الاعوام ..
بين قوسين.." كلها سنتين وياخذ افراج"
حسن سيرة و سلوك ..!
قهوتي سكر زيادة ..
و الجريدة .. اخبارها سادة ..
وبعدها صفحة ملونة ..
وحدة قرعة .. ماتدري ليش ..
كأنها واحد داخل الجيش ..
و الثانية شتان .. شعرها واقف طويل ..
و فوضة مابعدها فوضة ..
ولما تمعنت و قريت .. عرفت انها الموضة ..
أبراج .. قلت أنا بقرا الابراج
يمكن ألقى لي خبر .. يطيب الخاطر ويعدل لي المزاج
الحوت : انت مريض و جايز تموت ..
كذبت احساسي .. وقلت في نفسي ..
اكيد ذا برج العدو .. قلت انا بقرا " الدلو "
قهوتي سكر زيادة .. والجريدة .. اخبارها سادة ..
…
..
طبقت الجريدة مثل ماكانت .. وقعدت ادور ..
وين الذي باعها وين ؟!
ولما لقيته … رجعت الجريدة
واخذت [ الريالين ^_^ ] !!
من بريـــــــــــدي فوفو
موضوع متميز ومبدع
وهذا ما تعودناة منك ياقمر
شـكــ وبارك الله فيك ـــرا لك … لك مني أجمل تحية .