روشته رمضانية
كلنا يحتاج لروشتة لمعالجة ذاته والوقوف على تقصيرها
ولما كانت النفس لا الجسد مريض لزم علينا
وضع خطة او روشتة
ولما كنا على أعتاب رمضان كانت الروشتة رمضانية
وأشهد الله إني كتبتها لنفسي أولا
قبل أن تكون للآخرين ونسأله القبول
روشته رمضانية
كلمات سريعه اسكبها بقلمى واكتبها لنفسى لعلها تفيق ليكون رمضان بداية حياة التزام
عليك يا نفسى بتلك الخطوات ::
الإخلاص لله
طبعا عارفين إنك مخلص لله
أو هكذا تقول ولكن هل تحقق ذلك فعلا؟!!
ساعات ممكن تعمل بعض الأعمال ظاهرها لله
وباطنها لخلق الله
وساعات تانية تعمل أعمال لله
ولكن أيضا لعبيد الملك ولاحول ولا قوة إلا بالله
طيب أعمل إيه ؟؟
هقولك..تعال نجعل كل أعمالنا لله وحده يعنى
قبل ما أعمل أي شئ هاحقق في نفسي
الإخلاص لله ..
وهاطرد من قلبي أي حد ممكن يكون العمل له
ليعجبه ويشيد بى من خلاله
عاوزين أول حاجة نعملها صلاة توبة
من الرياء والعجب والشرك الخفى بالله
اتفقنا ..
اتق الله فى جوارحك
احيانا بتكون صايم بس لسانك مش صايم
واوقات بتكون صايم بس عينك مش صايمه
والمفروض بتكون صايم بس الناس
لا تسلم من الاذى الصادر منك
هتقول انا بسلى صيامى بمشاهدة التلفاز
او بمكالمات تليفونية مليئة بالنميمة والغيبة
فهل هذا يعتبر صيام ؟
عاوزين نتفق انى هاصوم صيام كامل وصيام صح
كل جوارحى تصوم
وكل ما يحاول أي حد يشغلني ويطلعني
من حالة الصيام بالمعاصي حتى لو كان الحد ده نفسك
لازم توقفه عند حده لازم تقول لنفسك وأقول لنفسي كفاية لهو
أتدرى والله لقد مات أناس قبل رمضان بأيام معدودة ولا يشتكون من شئ وها انت تبلغ الشهر ان اراد لك الله
فياريت نصوم دائما عن المعاصى حتى بعد رمضان اللى هتدرب نفسك فيه
يعنى كل مرة اخوتى فى الله نطلع من رمضان بهمه عالية سرعان ما تقل وتخف بعد رمضان
والعياذ بالله ..المرة دى هنجعل رمضان تدريب وبداية لما بعده ان شاء الله
صلاتى صلاتى
هل تخاف الملك ؟؟
هل تخشاه وترهبه ؟؟
اكيد هتقول نعم ارهبه بس سلوكك بيقول ساعات غير كده
يعنى سرعتك فى الصلاة
وتلفتك
وسرحانك
فى صلاتك مش بيقول كده؟؟!
طيب متزعلش …
تعال نتوب ونرجع …والله لو فكرنا مليا
ستخشى الله لو تذكرت لحظات قبض روحك ووحشة القبر
صحيح لازم نحسن الظن بالله ..
بس اكتشفت إن حسن الظن ساعات بيجعلنا
يبقى عندنا اطمئنان ..
وغفلة وهذا هو الخطر بعينه
هنصلى بس لازم صلاتك تختلف تماما ..
هتصلى وانت بتخشاه
أتعرف لمن ستسجد ؟؟
إسأل السؤال ده لنفسك وإنت رايح تسجد
الإجابة سأسجد لله …
إذا اتقن سجودك وتلاوتك وركوعك
ولما تخاف وتخشى الله اكيد هتخشع جدا لله
انقطع عن الدنيا مع كلام الله
تنكر إنك عاوز تختم القرآن كتير… ده شئ كويس
بس لا تفهم أحيانا كثيرة
كلام الملك؟ تقدر تنكر
طيب ..
إقرأ ولكن المرة دى هتقرأ بشكل مختلف
هتركز وتفهم كل آيه
إنت عارف إن كل آيه لم توجد هباء حاشا لله
خلاص لازم تعرف الآيات بتقول إيه ..
يا عبد الله ده كلام الملك مش أى حد
طيب أقولك على حاجة كويسة ::
هنعمل حاجة إسمها الكراسة القرآنيه
كل آيه قرأتها أثرت فيك وأبكتك سواء أكانت
عذاب أو ترغيب
سجلها فى كراستك أوعى مش تسجلها ..
أول مرة… هتسجل مجموعة آيات
تانى مرة… الآيات هتزيد وهكذا ..
وبالطريقة دى هيزيد ارتباطك بكلام الله
تعال بعد رمضان خد الآيات اللى اثرت فيك
وطلع تفسيرها وبكده هيزيد أكتر ارتباطك
بكلام الملك الوهاب .
تلطف فى الدعوة
أحيانا بتنصح أى حد فى المسجد وبيطلع الكلام جامد
وأحيانا حد بينصحك فى المسجد وبتزعل جدا لنفسك
حتى لو كان كلامه صحيح
لاء تعال بقى نتناصح فى الله ومنزعلش ..كله بأجره
وفى نفس الوقت إياك وتجنب النصح فى الله ..كالخجل
أو الخوف ..فالأمر بالمعروف والنهى عن المنكر واجب
على كل مسلم
بس الأهم التلطف فى الدعوة
صدقـات سـر وعلـن
تصدق… إياك يوم يمر عليك دون أن تتصدق ..
مع تعديد النية
تصدق علن لحث الأخرين على القدوة بك والتصدق مثلك
وسرا حتى تبتعد بنفسك عن الرياء والعياذ بالله
تصدق بصحتك فى خدمة اخوانك
وخاصة فى الإعتكاف
وغيره ..وتصدق بعرضك لمن تكلم عنك
وتصدق بالنية إن لم تستطع التصدق بالمال
لكن حاول أن تتصدق ولو بالقليل ليبارك الله لك
عدد النوايا
كثير منا يغفل عن تعديد النوايا
وما يميز المسلم هو تعديد النوايا
وأنت فى بيتك نائم عدد نواياك فقد ينام أحد
ولا يعدد ولا يؤجر وقد يعدد أخر نوايا نومه
فى إعطاء الراحه لجسده ليتحمل القيام –صلاة القيام-
وغيرها من النوايا حتى طعامك اجعله للتقوى للصلاة والعبادة
اجعل نيه اعداده لإطعام الطعام واحياء السنن
وطاعة لله وقضاء الحوائج
عدد النوايا ولا تغفل عنها
خطط وقتك
إياك والوقت المهدر استغل كل أوقاتك لله ولرضا الله
واجعل لنفسك جدول ومهام مثل ورد قرآنى بعد كل صلاة مثلا
إنت وأهل بيتك وفى عملك
حاول تنشر الموضوع ده ..
وحاول توضح لكل اللى بتتعامل معاهم
أهمية الشهر الكريم وأهمية أن ترضى الله
وأهمية غلق التلفاز وأهمية الحفاظ على الجوارح
كاللسان من الكلام الذى لا ينفع
ادعوهم جميعا بالرفق واللين
وفى النهاية أدعو الله أن يبلغنا ليلة القدر
بس أصدق مع الله طول الشهر ليبلغك ليلة القدر
ويحكى أحدهم انه كان يصلى فقط الليالى الفردية ويترك الزوجية
ولم يدرك المسكين أن ربّ الايام الفردية هو ربّ الأيام الزوجية
والتى جميعها بها عتق لمن رضا عنه ..عفا الله عنا وعنكم جميعا
واخيرااا عاوزين نرفع شعار تعال نرضى الله فى هذا الشهر
حتى يعتقنا ويرحمنا ويغفر لنا
ونسألكم الدعاء
واخيرااااا هدية منا تقدر تنشرها وتهديها لغيرك بمناسبة رمضان … الروشتة معمولة بشكل مميز على البوربوينت .. سارع بالنشر
اضغطى هنا للتحميل ..بسم الله
وبورك فيكى وفى طرحك
الممتاز المتميز
جزاكِ الله خيراً حقاً نحن بحاجه لمثل هكذا مواضيع
لتذكرنا ونتعظ منها وتكون لنا نبراساً
للسير على ما يرضي الله عز وجل
سلِمت الأيادي الغاليه
وتقبلي ودي ومروري
بارك الله فيكِ
غاليتي
وكتب ماسطرت في ميزان حسناتكِ
سلمكِ الله من كل سوء
تقبلي مروري