حلى السينابون من يد بنوكه بالصور . ^^ 2024.

بواسطة aksachli
18 أبريل، 2023

السلام عليكم ورحمة الله وبركاته

يسعدلي صباحكـ/مساكـ ـم يارب

امس عملت حلى السينابون وكان مررره لزيز ماشاءالله

وقلت انزل لكم الطريقه هنا لعنووونكم

نبدأ بسم الله /

مقآآآدير العجينه :

– 3 أكواب دقيق ..
– 3 ملاعق ك حليب بودرة ..
– ملعقتين ك سكر بودرة ..
– ملعقة ونصف ممسوحه خميرة فوريه ..
– نصف ملعقه صغيرة ملح ..
– ربع كوب زيت ..
– كوب ماء ..

الطريقة:
تُعجن المقادير المذكورة أعلاه مع بعضها البعض ولا تنسي تذوبي الخميره المذكوره في كوب الماء المذكور .. و تُترك العجينة 30 دقيقة عشان تخمر .

هنا بعد نص ساعه ..

الخطوه اللي بعدها نحتاج :

سكر بودره ,, قرفه ناعمه .. زبده ذايبه ..

بعدها نقسم العجينه قسمين ونبدأ نفردها …

بعد ماننتهي من الفرد طبعاً نكون مذوبين أصبع زبدة على النار
و نضيف الزبدة على سطح العجينة كله يعني نمسحها بالفرشة
على السطح ..

نضيف فوق الزبدة سكر بودرة و قرفة الكمية حسب الرغبة , زي كدا :

بعد كدا نبدأ نلفها :

بعد ماننتهي من اللفّ نبدأ بتقطيعها بهذي الطريقة: ( يُفضّل تقطعينها بالخيط لأنه يقطعها بشكل مرتب من غير ماتخترب
وماتتداخل في بعضها ) عادي ممكن بالسكينه بس على خفيف …

أنا استخدمت الخيط الأسود في التقطيع :

نصفّها في صينية مدهونه أو تيفال وندخلها الفرن من تحت لما تتحمّر بعد كذا من فوق لما تتحمّر كمان :

بعد كذا نكون مجهزين الصوص و صوص السينابون أنواع كثيرة , لكن الطريقه اللي عملتها :

– حليب محلّى ..
– ملعقة كاكاو بودرة ..
– نصف ملعقة ك قرفة ..

نخلطهم مع بعض :

بعد ماتنضج السينابون نطلّعها من الفرن ونصفّها في صحن التقديم ونسكب فوقها الصوص مباشرة وهي حارّه
ولكم الحرّية في التزيين , في ناس يزينوها بالمكسرات أناا حبيتها كدا ..

وهذا شكلها النهائي: