ازيكم يا بنات ..كل سنة و انتم طيبين و بالف خير و رشاقة
احكيلكم قصتي الصغيرة
في 3 اغسطس كنا في رمضان كان وزني 107.5 و طولي 165روحت للدكتور و تابعت معاه على مدار الشهرين اللي فاتوا و الحمدلله خسيت 23.5 بقى وزني 84
طبعا انا لسه في نص الطريق و مكملة دون توقف
احلى حاجة في النظام اللي متبعاه انه من غير اجهزة او ادوية مضرة و نظام متوازن باشراف طبيب
و دي نصيحتي لاي واحده عايزة تنحف اياك ثم اياك من الريجيمات الكيميائية الغير متوزانه و ياريت تبقى متابعه مع دكتور بيتقي ربنا في مرضاه مش الحرميين اللي يقولك هعملك جلسات و يطلعك من جهاز لجهاز
الاجهزة دي في المرحلة الاخيرة بعد ما تكوني وصلتي لوزنك و عايزه تعملي اعادة تشكيل لجسمك اماكن مقدرتيش تنحفيها اثناء فترة النظام لكن مش اول حاجة تعمليها تبقى اجهزة لازم تخلي جسمك يبذل طاقته و يخس طبيعي الاول
دعواتكم ليا اني اكمل و اوصل للوزن المثالي و ربنا يكون في عون كل واحدة بتخس
الف مبرووك حبيبتي
وعقبال المثالي
الف شكر لك ع افادتنا بتجربتك
واتمنى من الكل يسمع النصيحة ويحافظ ع صحته
ماشاء الله عليكي عقبالي يارب
مبروك نزول وزنك اختى و يا ليت تفيدى الجميع بما أستنتجتيه من تجربتك الناجحة