السلام عليكم حبيباتي
دي التجربه الثالثه لي في الرجيم وما كان رجيم واحد كانت عده رجيمات! لي يا ام روان؟
لانو الجسم اتعود علي الرجيمات وبقي بعاند فيني بس بالعزيمه والحمد لله اتغلبت عليهو
بعد ماوصلت 88 فرحت خالص والناس كلها الحولي لاحظو الفرق والحمد لله
بس عن جد دي اصعب فتره مريت فيها
عملت اسبوع كامل رجيم التمر والحليب نزلت كيلو ماعنو من غير تخبيص
لي لانو الرجيمات كلها بقت وراء بعض
عملت رجيم دكتور فادي كمان كيلو
زهجت ودبرسته خالص لانو اجازتي قربت وكنت مسافره لي اهلي وحابه اكون رشيقه
عملت رجيم الشوربه الحارقه الحمد لله نزلت 3 كيلو
فرحت انو الحال بدا يمشي
عملت رجيم الكورن فلكس كمان كيلو
عملت رجيم الموز نزلني 3 كيلو عن جد روعه
وعملت عده رجيمات
وبقيت حقل تجارب
بس الحمد لله
جاني احباط شديد حكيت لي الكوتش
وهو معترض علي الرجيمات البعمله لانهم بعملو رجيمات مختلفه عننا نهاي
قال لي لو مصره زودي ساعات الرياضه عشان تحرقي بس من غير تعب يعني مجهود زياده
وفعلا مع زياده المجهود بديت انزل اكتر واكتر وبدات مقاساتي تصغر
ههههههه وبدا زوجي يشتري في ملابس جديده لي شخصيه جديده والحمد لله
في المرحله دي بقيت البس مقاس 12 في البنطلون تخيلو وقولو ماشاء الله من 20
طبعا حبيباتي من التجربه دي اكتشفت انو الرياضه اهم من الرجيم او اعلي منها بدرجات
يعني كلما وزنك ثبت زودي ساعات الرياضه واحرقي اكتر
ومعلومات الرياضه حا اكتبه ليكم في المكان المخصص ليها
المهم حبيباتي وصلت لل79 وفرحت وانبهرت بالنزول
احسبو معاي كم كيلو نزلت والحمد لله
من 110 لي 79
فرحت كتير وسافرت علي اهلي
وبديت في التخبيص والعزائم
وللاسف 5 شهور ماعملت رجيم وما وزنت نفسي
لقيت نفسي بعد عيد الفطر 86 وزعلت من نفسي
وجاني احباط وبديت اعمل في تخفيف بس من غير رجيم محدد
كل يوم اكتب اليوم بدايه الرجيم وما اعملو
حتي الجم لي منو اسبوعين لاني كنت صايمه وهنا ممنوع تتريضي من غير ماء
بس والحمد لله الحين وزني 84
وناويه اوصله لي 75 او 70 بازن الله
وان شاء الله بالعزيمه والمثابره مع الحبيبات بنوكه وام ندوره والامل المنتظر حانوصل لهدفنا بتشجيعم لينا وبالمسابقات
يارب اكون افدتكم بي تجربتي
ولكم مني كل الود والحب والاحترام
مافي رد مافي تقيم
مااشاءالله تبارك الله ياا ام روووان تجرربه جداً رااائعه
وصحيح كلامك لما يثبت الوزن لاززم تزيدي من مدة الرياضه عشان يحرق جسمك اكثرر
وحرام والله يزيد وزنك في 5 شهور 14 
زعلتيني والله المفرووض اكثر شي تزيديه 5 كيلوو فقط
بس هذااا دررس لك وابداائي من جدديد في الرررجيم عشان وزنك يررجع مثل ما كان 70 كيلووو ماشاءالله
عقبالي ياارب وعقبال كل البنات 
لك احلللى تقييم من اختك بنوووته 
ما شاء الله واستمري لا ترجعين الله يوفقك …..
الله يوفقك ام روان استمري الله يعطيكي الصحة والعافية وان شاء الله تنحفي وننحف كلنا ياااارب