السلام عليكم ياحبيبات ريجيم
ازيكم حبايبي يارب تكونوا بخير
بصوا انا محبطة هاتسالوني ليه هاقلكم كلمة السر
مرحلة ثبات الوزن 
النهاردة كان ميعاد الميزان بتاعي وبعدين رحت اوزن بصيت لقيتني خسيت ربع كيلو بس 
اكتئبت من اول النهار وزعلت وعيطت وقلت خلاص وزني بدا يثبت والمرحلة دي بقا مرحلة الرعب بالنسبالي والاكتئاب لانها كانت ديما بتكون السبب فاني ارجع اكل واتخن تاني كل الي خسيته وعشان كده فضل اليوم كله قافلة علي نفسي وخايفة بجد مش من الوزن ولكن من مرحلة هي بالنسبالي نقطة ضعف و تحول سلبي
لكني قعدت افكر كتير ياتري لو ضعفت زي كل مرة هاستفيد ايه ؟؟
انا عملتها قبل كده كنت قربت اوصل للمثالي لولا الضعف ده يعني انا قادرة اعملها تاني
افتكرت المنتدي وافتكرتكم وافتكرت خطوبتي وافتكرت اوقات الي خسيت فيها قبل كده وكان جسمي جميل وازاي رجعت تخنت تاني ورجعت بدينة واتعزبت
سنوات وسنوات من العزاب مش لازم اسمحلها ترجع تتكرر تاني ابدا
المرة دي بجد مش هاسيب نفسي اضغف
ايوة مش هاضعف والله وهاقدر وهاتغلب علي الاكتئاب بكل ثقة و حماس وهشجع نفسي بكل حاجة ممكنة
هالهي نفسي عن الاكتئاب والملل وهاعمل كل حاجة بحبها تضيع الوقت وماتخلينيش افكر في الموضوع
قررت اني ارمي كل الي فات ورا ضهري وابدا من جديد هاعتبر نفسي لسة بادءة ريجيم
وابتداءا من الغد الموافق 12 / 3 /2020 هاتكون بداية جديدة
كل اللي فات هرميه ورا ضهري انا لحد دلوقتي عملت كويس والحمد لله وفقدت 17 كيلو من وزني يعني انا مش فاشلة وشاطرة وزي ماقدرت اخسر دول هاقدر اخسر الباقيين وثبات الوزن مش هايهزمني
اتباع ريجيم السعرات المنخفضة
شرب 8 اكواب مياة في اليوم مع الزيادة التدريجية
ممارسة رياضة المشي نصف ساعة يوميا مع التمرينات الرياضية نصف ساعة اخري
النوم والاستيقاظ المبكر ونوم 8 ساعات
تنظيم مواعيد الاكل وترك 5 ساعات بين كل وجبة
عدم الاكل بعد الساعة 6 مساءا
مش هاقرب لاي ممنوعاااااااااااات ابدا مهما كانت طول فترة الريجيم
ادعولي ياااااارب يوفقني ويساعدني
بحبكم في الله 
ثبات الوزن امر عادي جدا
ومش لازم تياسي
تعرفي اني مرة ثبتا وزني شهرين ونص ومع الريجيم بس ماكانش همني لاني كنت بلعب رياضة والمقاسات نقصت بشكل فضيع جدا
شوفي رابط موضوعي لي بالاسفل ريجيم يخسسك من 3 الى 4 كيلوا في الاسبوع مضمون جدا
اخذتوا من وحدة صحبتي على النت هو ريجيم الهرم الغذائي
وحتى لو لم تلتزمي مئة بالمئة فالنقصان اكيد ان شاء الله
ايه حبيبتي ما لزم تضعفي
واصلي طريقك و الله يسعدك
وكتيييير حبيت اصرارك وبجد عطيتيني دفعة كمان انا ما اتراجع
وانا واثقة انك حتكملي لأن الاصرار اجا من داخلك موفقة يا حبيبتي
واكتبي يومياتك معنا بتتشجعي حبيبتي ولا تنسي تاخدي القياسات مهمة جدا
الله يوفقك ويسعدك يارب
نفس المشكلة يا شيمو
و انا بدأت أيضاً من اليوم بعد فترة كنت محبطة و نهم و أكل الغث و السمين و اليابس و الطري
ولكن أمس شحدت الهمة و اليوم صائمة
و لعبت رياضة و راح أبدا في ريجيم صحي و ربي يؤسفني و يوفقك و يوفق الجميع
الله يعطيك العافيه
تحياتى