السلام عليكم يا حبيبات ريجيم
وحشتوني اوي اليومين دول وشكرا لكل الاخوات الي سالوا عليا 
بعد نزولي 15 كيلو من وزني قررت اني ابدا بداية جديدة يارب يوفقني فيها
وزني الحالي 112 طولي 173 الهدف الجديد 10 كيلو اي بوزن 102 كيلو
وعلشان الاخوات تستفيد انا هكتب النظام الي مشيت عليه طول المدة الي فاتت و اللي برضه همشي بيه بعد كده ان شاء الله
وهو نظام السعرات المنخفضة 
انا جربت ريجمات كتير طوال سنين عمري وفهمت كل مايخص الدايت و من تجربتي حسيت وتوصلت ان كل ماهو طبيعي وبسيط احسن واكثر فعالية
علشان كده احنا هناكل عادي جدا بس مع التقليل والنظام سهل وبسيط وموجود فكل بيت مش هانقول عليه ريجيم ولكن هانقول اسلوب حياة افضل
نبدا حبيباتي 
بداية اليوم الاستيقاظ الساعة 8 صباحا
شرب 2 كوب ماء علي الريق ثم اخذ المشروب الحارق للدهون وهو علشان اللي مش تعرفه يتكون من ( ملعقة كمون + نصف ملعقة جنزبيل + نصف ملعقة قرفة + نصف ليمونة شرائح بالقشر ) وتغلي المكونات في كوب ماء ثم تغطي لمدة عشر دقائق لتجانس المكونات والإحتفاظ بالفايدة وبعدها تشربيهم وبعد تلت ساعة تفطري
الافطار : وهو عبارة عن اختيار واحد فقط من الاتي :
1 . 2 بيضة مسلوقة .
2 . كوب زبادي لايت + فنجان شاي سادة او بربع كوب حليب خالي الدسم .
3 . طبق سلطة خضراء .
بعد ساعة يتم شرب 2 كوب ماء .
بعد ساعة اخري يتم شرب اي مشروب دايت ( كركديه باكتات او عادي _ نعناع _ ليمون دافيء _ شاي اخضر _ ينسون ) كلها محلاة بالدايت سويت الطبي او ملعقة عسل او غير محلاة حسب الرغبة انا عن نفسي استخدم الدايت سويت الطبي تحت اشراف الطبيب
بعد ثلاث ساعات تحضري المشروب الحارق و تشربيه قبل الغداء بتلت ساعة
الغداء : عبارة عن اختيار واحد من الاتي :
1 . ربع فرخة مشوية او مسلوقة بدون جلد + طبق سلطة خضراء + ربع رغيف .
2 . قطعة جبن قريش ( جبن خفيف الملح ) + ربع رغيف .
3 . 2 سمكة مشوية + طبق سلطة خضراء + 2 ملعقة ارز ابيض .
4 . 2 قطعة لحم مشوي او مسلوق + 2 ملعقة ارز او ربع رغيف .
5 . ربع فرخة مشوية او مسلوقة + طبق شوربة خضار او خضار سوتيه .
6 علبة تونة صغيرة بدون زيت + طبق سلطة خضراء + ربع رغيف .
بعد الغداء بساعة 2 كوب ماء .
بعد ساعة مشروب دايت كالسابق .
بعد 3 ساعات نحضر المشروب الحارق ونشربه قبل العشاء بتلت ساعة .
العشاء : اختيار واحد من الاتي :
1 . ثمرة فاكهة ماعدا ( الموز _ التين _ العنب _ البلح _ المانجو ) .
2 . كوب زبادي لايت .
3 . كوب حليب خالي الدسم .
بعد العشاء بساعة 2 كوب ماء .
النوم افضل ميعاد الساعة 11 واذا بدري عن كده طبعا يكون احسن
سهل وبسيط جداا طبعا ممنوع استخدام اكتر من ملعقة اكل زيت زيتون عند طبخ اي وجبة وممنوع استخدام الملح اكثر من نصف ملعقة صغيرة ويمكن استبداله بالليمون
ممنوع استخدام السكر بانواعه واستبداله بالمحليات الطبيعية كالعسل او الدايت سويت الطبي
وزي ما هنلاحظ ان الماء 8 اكواب موزعة ومقسمة علي مدار اليوم هام جدا عدم شرب اقل من 8 اكواب واذا حبيتي تزودي خير وبركة يكون احسن
المشروبات الغازية الدايت ممنوعة منعا باتا لانها مشكوك ماتكونش دايت اصلا
ممارسة الرياضة في البيت لمدة ساعة يوميا او المشي لمدة نصف ساعة خارج المنزل .
نمشي علي النظام ده 7 ايام وناخد اليوم التامن فري بيجدد النشاط والعزيمة لانك تكملي الاسبوع الي بعده ناس كتير بتقول مافيش حاجة اسمها يوم فري او اليوم ده بيبوظ الدنيا وبيتخنك كل الي خستيه خلال الاسبوع ده كلام مش صح لان اليوم ده فعلا بيغير نفسيتك للاحسن وبيخلي جسمك مايتعرضش لمشكلة ثبات الوزن بعد فترة قليلة وغير كده انا باخد اليوم الفري والحمد لله ماشاء الله خسيت خلال شهر ونصف 15 كيلو 
ارجو اكون افدتكم حبيباتي اتمني لكل وحدة فيكم تحقق هدفها وتخس بسرعة
بالتوفيق 
م
مافيه فرق كبير بين نظام السعرات والنقاط بس راح اخفف شوي احس اني موخفيفة اليوم
تسلمي على الموضوع المهم وبالتوفيق لنا كلنا
الله يوفقك حبيبتي ام عبد الغني يارب تحققي هدفك بسرعة
موفقة اختي ان شاء الله
تسلمي على الافادة
الله يسلمك ام يانس
واحلى شي انت محددة الاوقات
برافو شيمو
وزنك قريب من وزني لاوم نعمل تنافس
ونشوف بعد شهر مين تنزل أكثر
بالتوفيق يارب
وين رح تحطي يومياتك