"قصة زواجي " هيك اتزوجنا " الجزء التاني "
ارجعنا عشان اكمل قصة زواجي
طبعا راح ادخلكم ببعض العادات والتقاليد التي تلازم العرس الفلسطيني " عنا بفلسطين لكل مدينه تقاليد
تختلف في الزواج وانا من بيت لحم ومن قراها لذلك زواجي تم حسب التقاليد الخاصه بنا " وان شاء الله راح اكتب
عن تقاليد الزواج المختلفه في وقت لاحق خلونا الان مع بيت لحمواتمنى ان لا تملوا منها
ومني .
اخر شي بالجزء الاول وصلنا عند يوم قرائة الفاتحه والحمدلله تمت على خير طبعا بما انوا احنا مجتمع محافظ ضرروي كتب
الكتاب حتى يقدر العريس يزور عروستوا ويقعد معها ويشوفها ويطلعوا ويجوا سوا . طبعا جوزي هلا كان بدو نجوز بسرعه بس
اهلي رفضوا وقالوا لازم يكون في فترة خطوبه اقلها سنه او اقل شوي ، مو مشكله عادي لا اعتراض اصبرنا كثير وحققنا حلمنا
اهم شي نكتب لكتاب وبعدين لكل حادث حديث
طبعا من عاداتنا بعد قرائة الفاتحه وقبل كتب الكتاب ضروري نطلع نشتري الدبل والخواتم ومستلزمات الخطبه
اطلعت انا وامي وخطيبي واختوا حتى نشتري المطلوب
انا ما عندي صور حاضره هلا راح استعين بالنت
الدبل
دبلة العروس طبعا من ذهب
دبلة العريس طبعا من الفضه " ما احلا وهو لابس دهب "
طبعا هذا الشي الوحيد الي بيشتري العريس وهو طالع معنا " ما احلا وهو صاير يكسي في حالوا "
بنرجع هلا للعروس ملكة الساحه " طبعا انا "
باقي المشتريات للتجهيز طبعا عنا في بلدنا او قريتنا بنشتري كمان غير الدبله خاتم وسنسال وحلق واسواره وساعه يعني شبكه
بالكامل يعني طقم كامل او ليرة دهب مع سنسالها وبروازها مع باقي المرفقات طبعا انا بحب الشي الناعم وما بحب المعجوق كثير
عشان هيك اخترة الليره الدهب وقلت خلي الطقم للعرس
الليره بدون برواز
سلسلة دهب لليره طبعا احنا بنستخدم في فلسطين اما البحريني او الحلبي وانا دهبي كان نصو بحريني والنص التاني حلبي
طبعا هذا الاختيار الاخر طقم ذهب كامل
اضافه لليره انا اشتريت ساعه وخاتم كمان ما بدي ثقل على عريس مستحيه " راح افرجيك في العرس "
طبعا غير الدهب ضروري يشتروا لبسه للعروس اي شي مثلا اذا محجبه جلباب واشارب وصندل او اي شي تاني بتحبو العروس
انا اشتريت طبعا تنوره وقميص ما اشتريت صندل " استحيت "
ما بدي يعرف نمرة اجري
كلي خجل وهذا شيء غير صحيح هلا مو مشكله كنت مستحيه
طبعا بعد كم يوم كتب الكتاب واهلي عاملين عشا طبعا كنت بالجامعه هداك اليوم وكان عندي امتحان ما لحقت اهتم بحالي روحت
على البيت الساعه 5 المغرب وكتب لكتاب على ال7 ما في وقت البست البس الي اشترالي اياه وقلت معلش بنعوض بيوم تاني
المهم اجو علينا الساعه 6:30 واجا الشيخ على الساعه 7:00 وطبعا تقاليد كتب الكتاب معروفه عند الكل وكيفية كتب الكتاب
وكانوا شهود العقد خالي وجوز عمتي وطبعا انا الي وقعت على عقد الزواج لان الشيخ عنا ما بقبل وكيل يكون وانتي موجوده
طبعا ابوي كان وكيلي بس انا كان لازم اوقع على العقد مش ابوي بصفتوا الوكيل
وبعد هيك اتعشينا طبعا عنا بعوايدنا القرويه بنعمل بهيك يوم منسف فلسطيني طبعا عمل امي تسلم ايديها وبعدين البسنا الخواتم
طبعا العريس لازم يلبس العروس الخاتم والدبله طبعا انا كنت مرتبكه كثير وعريسس اكثر مني "
هبل الله وكيلكوا " بس الحمدلله عدا اليوم على خير وكتبنا الكتاب " وما حدا هله الو
عندي اول فكره خطرة على راسي "
وهكذا انتهى ذلك اليوم الصعب
عادتا ما تخطر هذه الفكره على بالنا وبال الكثير منا وقد خطرت على بالي ايضا ، باحثين من خلالها على الحريه والانطلاق من
سجن الاهل الى حرية الحياه والعسل مع الحبيب ، ولكن فكرتي هذه لم تتعدا جدار عقلي لكي لا اشتري تعاستي بنفسي ، فلن اتنازل
عن اهلي ولن اقايض على حبيبي ، اريد كلاهما ، فأهلي سندي وقوتي وقت حاجتي ، وحبيبي املي والحضن الحنون الذي سيحتويني
فمجرد الافصاح عن هذه الفكره يعني خسارة الاثنان معا ، الاهل الذين تعبوا في تربيتكي ، والحبيب الذي يسموا في قلبكي ، وانت
وانا لا نريد خسارة كلا الاثنين .
لذلك علاقتي بزوجي لا تتعدى حدودها فاهلي اهلي مهما علا او وصل وكذلك العكس مع اهلي ، هالك نقاط لا يستطيع كلاهما
تجاوزها كما انني لم اسمح لاحد من عائلتي بالتعدي على حقوق زوجي ، او ادخل امي في احد مشاكلي او مناقشة موضوع يخص
زوجي امامهم ، وهذا سر حب زوجي لي ، كما انني تعاملت مع زوجي على اني صديقه تشكوا له همومها واحزانها وقت ما ارادت
واينما ارادت وكيفما شاءت ومهما كان الموضوع حساسا بالنسبه لي ، فلا استطيع ان اخفي عنه شيء صغيرا كان او كبيرا ، فثقتي
بنفسي تدفعني الى قول كل شيء مهما كان صعب ، والحمدلله وجدت فيه القلب الحنون والعقل المتفهم والرئفه والطيبه التي توجد في
اي انسان ، الا انه يشكوا مني بغروري بنفسي ، الا انني لا اعتبر ذلك غرورا بل قوه لااواجه بها ضعفي امام جسمي السمين والذي
لا يشكوا سوى من السمنه فلا يوجد هناك اي ترهل او شحوب او من هذه الاشياء التي تصاحب السمان ، فعندما يصفني بالجمال
اقارن نفسي بالبدر والقمر وعندما يصفني بالنجوم اقارن نفسي بالشمس ، وهذا يجعله يغتاظ كثيرا ويقول لي لماذا الغرور ؟ لا اخبره
لماذا افعل ذلك انما لكي لا ابدوا له ضعيفه امام جسمي ولكي يراني قويه ومتفائله دائما ، لذلك من حسنات هذا الاسلوب عدم
الاستسلام وعدم الشعور بالدونيه امام الناس الذين لا تبطل السنتهم عن القيل والقال فهذا يعزز ثقتي بنفسي فقط امامهم ، اما بيني
وبين نفسي فياله من شعور صعب نستشعره بعدم ثقتنا بأنفسنا .
لقد اطلت الحديث ولا شك ان المعظم تعب منه
ارجوا ان تتابعوني في الجزء الثالث من قصة زواجي " هيك اتزوجنا " 3 والتي ستحمل تفاصيل تجهيزات الزفاف ويوم الزفاف ان شاء الله
استغفر الله العظيم واتوب اليه
كملى الباقى ونسمعك
لانك مش بس بتحكي الحكايه
لا بتعلقي عليها كمان من خبراتك بالحياه وقناعاتك
تسلمي حبيبتي
عجبني اوي ثقتك في نفسك امام الناس حاسه انك بتتكلمي عني بالضبط
حست اني معك بالتفاصيل
احلى شي نمرة الصندل
هههههههههههه
متابعة معك ياعسل
واحلى تقييم لعيونك