شنطة شهر العسل بكل تفاصيلها 0000 2024.


	بسم الله الرحمن الرحيم السلام عليكم ورحمة الله وبركاته مرحبا ياعرايسنـــــا الغاليات ……


	[CENTER] اليوم حبيت أنزل لكم موضوع مهم جداَ لكل عرووسة … وأكيد أغلبكم محتارين فيه …. أغلب العرايس يسافرون لشهر العسل …. وكثير منهم لما يسافرون يكتشفون أنهم نسوا أغراض … وتبدأ رحلة الاحراج ….. وبناء على هذا قررت أنزل موضوع شامل عن شهر العسل ومستلزمــاته راجية من رب العالمين يوفق كل عروســـه ويسهل أمورهــــا ويتمم لها على خيـــــــر أول شي نبدأ بالاشياء الي لازم تعرفينها عن البلد الي بتقضون فيها شهــر العسل : 1- هل البلد جوها في هذا الوقت بارد ..حار… معتدل ؟؟ 2- المناطق الي بتروح لها العروس ؟؟ هل هي قرى … مدن … أو جبال … أو منطقة ترفيهيه مثلا ؟؟ 3- اعداد قائمه خاصه لشنطة شهر العسل بما يتناسب مع المده والمكان … يعني مب تسافرين أسبوع وتاخذين شنطة لشهر وتقولين عروووس ……. لا اخذي اللي يكفيك عشان ماتتعبين ولاتتعبين زوجك معاك …. الأن عندنا الشيء المهــم والي على أساسه كتبت الموضوع وجمعت بعض المعلومــات … مستلزمـات ومحتويات شنطة شهر العســــــــل : بنبدأها خطوه خطوه من الألف الى الياء … طبعا بعد تحديد نوعية البلد الي بتروحين له ومعرفة نوعية الملابس الي بتلبسينها راح تبدين التجهيز … وهو كالاتي : 1- مستلزمات العنايه بالبشرة في حال انك رايحه لبلد جوها بارد من اهم الاغراض الي بتحتاجينها للعنايه ببشرتك • كريمات مرطبــة ( لان البشره في البرد يصيدها جفـــاف ممكن يأثر عليها لاحقا … ) ومن الكريمــات اللي أنصــح فيها للجفاف من أفضل الكريمات الي اثبتت مفعولها في العنايه بالبشره هي كريمات ماركة Clinique هذا الكريم مفيد جدا لجفاف البشره واسمه Superdefense Triple Action Moisturizer SPF 25 – Very Dry Skin • أما في حال انك رايحه لمنطقه جوها معتدل فاستخدمي الكريم الي يناسب بشرتك وهذي بعض الكريمات الممتازه لأنواع البشره : البشره الدهنيــه Superdefense Triple Action Moisturizer SPF 25 – Normal to Oily Skin البـــشره العاديـــة والمختلطة Superdefense Triple Action Moisturizer SPF 25 – Normal to Dry Skin وعندنا ماركـــه اخرى بعد ممتازه للعنايه بالبشره ومستحضراتها ينصح بها الي هي Estee Lauder وهذي مجموعة العناية اليوميــة طبعا ماننسى واقي الشمس لمنع الاسمرار لوكنتي رايحــة لبلد حارة أنصحك باستخدام مجموعة شيسيدو للوقاية من الشمس وهي عبارة عن كريم أساس والبــودرهـ المضغوطــهـ ولوشــــــــــن الجســــم ومرطبــ الشفايـــف يعمل كواقي من الشمــس مع جفاف البشره طبعا يصاحبها جفاف للشفايــف وانتبهي ياعروستنا من هالشي لازم تاخذين معاك مرطب خاص للشفايف ويفضل انه يكون بطعم هذي من لانكوم كريمات ترطيــب الجســـم : كل عروسه طبعا راح تشتري مجموعة كريمات للجسم مع عطوراتها … وهذا نموذج من مجموعة تحتاجها العروس مجموعــة عطورات وكريمات كوكو شانيل ه ذا العطر وهذي بودرة الجسم وهذا كريم الجسم وهذا ال bath jel معطــر الشعــر مزيل العرق وأخير الصابونة وهذي مجموعة عطورات من استي لودر • مجموعة الاستحمام : صابونه, مقشر جسم, كريم الجسم, شور جل,رغوه … وانصح ببودي شوب وطبعا الشامبو … وكريمات عنايه للشعر لوتحتاجين – الملابـــــــس والاكسسوار : اياك عروستنا تغلطين وتودين تجهيزك كله السفر ….بيكون تعب عليك وعلى زوجك ….. بعد تحديد مدة شهر العسل تقدرين تحددين كمية الملابس المطلوبه والي هي : 1- قمصان نوم ( بكل أنواعها طويل وقصير ) 2- بجامات ( سواء صيفيه شورتات أوشتويه على حسب البلد ) ومعاها السليبرز 3- أطقم داخليه ( مايمنع تاخذين اطقمك كلها لانها هي الي تستهلك أكثر ) 4- تنانير وحركات دلع قصيــره 5- ملابس للطلعات المميزة .. مثلا عشا في الفندق أوغيره بتحتاجين ملابس كشخة وغير عن الملابس العملية 6- أحذيـــه عملــــية لأن شهر العسل معروف أنه كله حركة وتجوال فلاتتعبين رجلك وبتلقين أحذيه عملية وراقية في نفس الوقت 7- شيل وعبايات 8- اكسسوارات الشعــر 9- طقــــــم فــــوط لك ….. ولزوجك 10- بالنسبه للذهب والالماس … نصيحة لاتاخذون معاكم الا الي بتلبسونه يعني الدبلة طبعا على كم حلق وكم خاتم وتعليقتين أو 3 … يعني مب تاخذووون الذهب كله معاكــــم المكيــــــــــــاج : اخذي معاك شنطة صغيرة وراقية مثل Burburry Dior Gucci وضعي فيها مكياج بسيط … حيث انه لاداعي لكثرة المكياج في شهر العسل يعني خذي معاك الوان ناعمــهــ من الارواج والقلوسات وبودرتك المفضله طبعا وكحل وماسكرا وبلاشر … الادواتــ : 1- مكينة حلاقه وعندك الانواع التاليه : Braun Silk Epil وهذي للمناطق الحساسة 2- مجفف الشعــــــر 3- علبة حلاوة (شيرة) لازالة الشعــر 4- موس نسائـي ( لوكنتي من مستخدمينه ) • لاتنســـــي سجادة الصلاة • دهن العود والمسك للمنطقة الحساسة • علبة خياطه أنيقة ( للطوارىء) • الفرشاة والمعجــون • مزيــــل طلاء الاظافر • بنــدول (وأن شالله ماتحتاجونه ) • مزيــــــــــل مكياج • الفوطــ الصحيه لاحد يتوهق • عطر الفراش • مقص ومبرد الاظافـــر • كاميــــــر التصوير • ملقــط للشعيرات الي تظهر عالوجه • مناديل معطــره ومرطبه للشنطه مستلزمات حقيبة اليد : باكيت صغير للكلينكس. – نعناع أو أي حلاوة لنفس منعش. – زجاجة عطر صغيرة. – علبة كريم صغيرة لليدين(عادة تيوب). – فوطة صحية واحدة. -المكياج اليومي ( بودره – كحل – قلوس ) منقول للفائدة