تخطى إلى المحتوى
الرئيسية » تجاربى فى التنظيف وحجات للعيد تعالى اقولك

تجاربى فى التنظيف وحجات للعيد تعالى اقولك 2024.

  • بواسطة

حبيت افديكم بشويه حجات على قدرى

وبالله عليكم اللى تنفعها حاجه

وتجربها وتنفع معاها تفتكرنى بدعوه حلوه

ولها المثل بامر الله

تنضيف الكنب المودرن او اى كنب

محتاجه كلوركس للالون ( سواء كان السايب او اللى فى ازايز )

جاونتى من الصيدليه

فرشه بلاط

جردل فيه ميه دافيه

تحطى فيه الكلوركس الخاص بالالوان

وعليه صابون سايل ريحته حلوه

وعليهم داونى

ويا ريت تكترى من الكلوركس للالوان

وتبلى فرشه البلاط وتدعكى الطقم حته حته

واتفرجى لما ينشف حيبقى يحته عامله ازاى

وحيكون نضف ازاى

الورد لقبل العيد

جمعى الورد كله واغسليه بميه وعليها شويه

صابون سايل
وسيبيه ينشف وكيس بلاستيك كبيرررررر

حطى الورد ومعاه صابونه مفتوحه

واربطى الكيس

لما تركبيه فى العيد حتلاقى ريحته بريحه الصابونه

وممكن تعملى كده فى المفارش كمان

وفى الستاير

كمان عشان المواعين

او اى حاجه خاصه بالعيد من علب ازاز بتاعه المطبخ

املى طبق ميه دافيه وعليها صابون سايل وشويه كلور

وحطى الحاجه فيه وسيبيهم واعملى اى حاجه

وارجعى شيليهم واشطفى بس

عشان البوتجاز

افصلى الكهربا عنه

وحطى عليه كلور وصابون سايب وسيبيه

ساعه وادخلى حتلاقى انه لو اتمسح مسح
بقى فل

والجزء الخاص بالفرن الازاز
بنفس الطريقه

من جوا بس

ومن بره بمنظف زجاج او ميه بنشادر

واستعملى فى التنظيف المناديل المبلله

دى بتنضف جدااااااااااااااااااااااا

وغير كده بتسيب ريحه حلوه لاى حاجه بتنضفى بيها

واى حاجه تحبوا تنضفوها وانا نسيتها

يا اختى اسألى عنها

وان شاء الله الاقى ليها حل بأمر الله

مشكووووووووووووووره اختي الحبيبة
على طرح هذه الافكار الرائعه
ان شاء الله يستفيدو الاخوات من افكارك الحلوة ياقمر
وربي يجزيك كل خير يارب
حفظك الله ورعاك من كل شر

دار

تسلمى ام زيزى
والله دائما مواضيعك كلها رااااااااااااااااااائعه ومفيده
باين عليك ست بيت شاطوره وبتحبى النظافه كتير
اكثر الله من امثالك
ولا حرمنا من افكارك الجميله

دار

موضوع جميل ونصائح حلوة شكرا اختي ربنا يبارك فيك
اية الشطارة دى تسلم ايدك
دار

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.