هذي تجربة حماتي الناجحه 2024.

السلام عليكم ورحمة الله وبركاته

حبيت اقولكم تجربة حماتي مع الدايت الي سوته وآنه ما شاء الله عليي كنت اتفرج عليه واقول في نفسي (والله الدايت صعب شلون تقدر اتسويه) ؟

المهم حماتي بدت الرجيم بعد ما سوت عمليه تصغير الصدرقاله الدكتور ان الصدر بيصغر اكثر مع الرجيم اذا نزل الوزن

بدت حماتي الرجيم وكانت ما تمشي على ولا رجيم يعني ما كانت تحرم نفسه من اي اكله تحبه , كل الي كانت تسويه انه تاكل من اكل البيت شويه في صحن صغير مثل تقريبا مله الروب وكانت تاكل الارز بجميع انواعه بس بالكميه هاذي وما كانت تشرب السوفت درنكس ولا العصائر الملاينه سكر كانت للامانه تشرب كل يوم عصير برتقال مع الغداء وشاي اخظر بسكر خفيف جداً

وكانت لما نطلب البيتزا تاكل الطبقه الي فوق وتترك العجين الي تحت *وانه طبعا اتحسف واروح اكل العجينه الي تتركه

والله يذكره بالخير كانت ترجع من الشغل تنام

وبعدين لما تصحا تروح تمشي ساعه وترجع وما كانت تاكل شي بعد المشي إلا الفواكه وإذا كان في عشه اسبشل جايبينه من برع تاكل لقمه وتقوم .

ومع الايام صار الكل يقوله ضعفتي كثير والبعض كان يقوله بترجعين الي ضعفتيه اول ما توقفين الرجيم ,المهم انه كل ما كانت تسمع هالكلام كانت تزيد إرادته لين اخر مره رحت معاه السوق تشتري ملابس للسفر, انصدمت يا بنات انه ما شاء الله صار مقاسه 14 بعد ما كان 18 – 20

وعرفت انه مو مستحيل ولا بالمحال ان الوزن ينزل بس الصراحه اني مو ذاكره كم المده او من كم صار له على هالنظام .

بس يا بنات انه قلت في نفسي لازم اسوي نفسه عشت تجربهه ناجحه قدامي والحين ولله الحمد باديه وبإراده قويه وعازمه ان شاء الله بحيل الله ما اوقف واستمر لين ارجع غصن البان مثل قبل.