ياحلوات طبعا راح اعرض لكم طريقتي في عمل خلية النحل
طبعا العجينه موجوده في اطباق النخبه لامل الجهيمي
وهذي العجينه معتمدتها لانها رووووووووعه ولينه
بسم الله ماشاء الله
ملاحظه
هذي العجينه تنفع للمعجنات باشكالها < زعتريه , جبنيه , بيتزا , اقماع , فطائر السبانخ ,, …………الخ >
وطبعا للخليه 
مقادير العجينه <<احلى عجينه >>
2 كأس دقيق كويتي
بيالة شاهي زيت
3 ملاعق كبيره حليب بودره
2 ملاعق كبيره سكر
رشة ملح
ملعقة كبيره بكنج بودر
2 ملعقه كبيره خميره فوريه
الماء كأس الا ربع يعني عبي الكاسه بس مو مره<< على حسب تقديرك اثناء العجن ولازم تكون العجينه لينه لاتخلينها قاسيه
واعجنيها ززززين عشان تطلع حلوووه بعد وضع الحشوات
طبعا تجلس تتخمر نصف ساعه او ثلاث ارباع الساعه ولازم تغطينها عشان تتخمر
هذي هي عجينتي لكل المعجنات الي تخطر على بالكم
هذي صورة عجينتي بعد ماتخمرت
شوفوا كيف متماسكه ولونها روعه
نستخدم صحن دائري انا استخدمت صحن صغير
الحشوه
جبن كيري + قرفة مطحونه < دارسين >
وطبعا لازم بيض عشان نمسح فيه الوجه للخليه باستخدام الفرشاه
حبة البركه او الحبه السوداء للتزيين
نبدأ بعمل الخليه
ناخذ كره صغيره من العجينه نفس هذا الحجم
ثم نفردها براحه اليد ونضع الحشوه
ونقوم بتقفيلها وتكويرها بين اليدين ونضعها في الصينيه
بدت تكثر في الصحن هههههههههه
نكمل بنفس الطريقه حتى يعطينا شكل الخليه واتركوا مسافه بسيطه بين كل حبه وحبه
ثمن ندهن الوجه بالبيض ونزينها بحبة البركه
نضعها في الفرن ونشغله من تحت حتى تتحمر من تحت
ثم نشغل الفرن من فوق حتى تتحمر
واول مانطلعها من الفرن نحط عليها الشيره على طول وهي ساخنه
واذا تبونها تجلس لينه غطوها بعد وضع الشيره بقطعة قصدير
ومن قريب
يم يمي
بالعافيه عليكم
طبقوها واعتمدوا نفس العجينه ماراح تندمون
انتظر الردود والتطبيق 
ماشاء الله
ام تالين تسلم ايديكي
وان شاء الله ربي يفرح قلبك
في اتطار المزيد حبيبتي
رجاء حبيبتي المره الجايه حملي الصور من منتدى ريجيم عشان القوانين
تسلمي
تسلم الاياااااااااااااادي
أم تالين
روووووعه ماشاء الله انا من عشاقها ارسلي الصينيه كلها لي
أم تالين
روووووعه ماشاء الله انا من عشاقها ارسلي الصينيه كلها لي
تسلم يدك ام تالين تراني احب خلية النحل بس ماتزبط معي ودائما ارسل لي اختي تسويه لي بس حجرب ان شاء الله طريقتك .