مساءكم الله بالورد والرياحين والزهور والياسمين
جيتكم اليوم بطيق خليجي مشهور وهو ((البريااني )) بس دي ا لمره قطيفي بحت
المهم ندخل في الموضووع دغري ::
سويته على دجااج غسلت الدجااج وهدا هو قبل ما ابهره
وبعد كدا بهرته بالبهارات المشكله والفلفل الاحمر والكزبره والملح والزيت زيتووون وهدا هو شكله بعد التبهيره 
وخليته بالفرن مايقارب ساعتين لين استوى طبعاا على نار متوسطه
المقاديــر::<<< الحشوه مالت البريااني 
بصل مقطع جوانح بالكميه الي تبيهاااني سويت 8بصلات كبار
فلفل اخضر مقطع _بارد وحار_ ثوم مقطع
7حبات بطاطا مربعاات مقليه
خضره مشكله مجمده كيس ونص
وفطر _ حبات الرمان المجففه _ صنوبر _ زبيب _كسبره مفرومه ناعم_ بهارات مشكله _زيت لحماص البصل _ وملح
الطريقه ::
تحمصي البصل مع الفلفل الحار والبارد والثوم لين يصير لونه بني وتحطي فوق البصل الخضره المجمده والفطر والزبيب والصنوبر وحبات الرمان والكسبره وتخليهاا تنضج مع شويه مويه وبعد ماتنشف المويه منهاا تبهريهاا وتحطي البطاطا المقليه فوقهاا وتقلبيهاا لين تاخد نكهه الخضار والبهاراات وترفعيهاا من النار وهدا هو شكلهاا..
وبعد ماتخلصي من الحشوه نروح نسوي الرز
وتركبي مويه فيهاا فلفل دراز حبيتين بصحتهم وفلفل احمر مجفف ورق الغار ومسمار وهيل و4مكعبات ماجي لان مال عايله غير 
واستخدمت رز الوليمه لانه يجنن بالطعم والريحه واااو
وهدا شكل الرز لما خليته يطبخ مع الملح والبهاراات
لما يستوي الرز اشيل عنه المويه <<<عندناا نقول نشخل الرز
ونجي نحط شويه من الرز بالصفريه ونحط فوقه الحشوه واني سويت طبقه رز وطبقه حشوه مرتين
وهدا شكل الحشوه فوق الرز
وآخر شي نغطي الحشوة بطبقه رز ثانيه
ونخليه يتنشف لين يطلع منه بخار مو يحترق ههههههه طيب طبعاا نسيت اخبركم نحط صبغه بالرز
والحي نجي الى تقديم الرز اني قدمته مع دقوس وطلع حاار موووت 
وهدا هو الشكل النهاائي
وان شاء الله البريااني القطيفي نال اعجاابكم وهدا صحن لأول وحده ترد على الموضووع 
وصحتين وعافيه على قلوبكم الله الله
الصحن لي هههههههه
بس خيتو شلون تحطي الصبغة بالرز
يعني كيف ومتى .. وشنو هي الصبغة اللي حطيتيها ؟؟
من اللهافة نسيت اقول لش تسلم يمينش
شكله بالمرة لذيذ
جوعتيني صراحة
عليكم بالعافيه
<< بصراحه ابغا صحن
شكرا لج غناتي على طريقه نبغى نعرف متى تحطي صبغه ومتى ؟
يسلمووو حبيبااتي على التوااجد الطيب منش … ((سنين عمري _ دمروال))
واخجلتوني خلاص بحط صحن ثاني ليكم شكله عجبكم وبقووه
الصبغه حطيتهاا لما شلت الرز من المويه وحطيته بالصفريه حطيت فوق كل طبقه رز صبغه وزعفران
صبغه الي استخدمتهاا اسمها صبغه صفراء
يسلموووو على المروور الرائع منكم
وانتظروني بأطبااق حلوة ان شاء الله وخليجيه 
واااااااااااااااااااو ماشاء الله تبارك الله
بصرااااحه فن
شكرا لك 