قالب التونة بالمعكرونة وكريمة المشروم من مطبخى
قالب التونة بالمعكرونة وكريمة المشروم من مطبخى
ياهلا بكل وردات رجيم الجميلات
اليوم طبختى شهية ولذيذة جدااا والتجربة خير برهان
ندخل على المكونات والطريقة على طووووووول
المقادير
معكرونة شريطية او نودلز
علبتين تونة
علبة مشروم
حليب
طحين
زبد
حبة بصل
بازلاء مسلوقة على البخار
جبن موزاريلا او اى نوع
نسلق المعكرونة
نجهز صلصة المشروم
باءضافة ملعقتى الزبد بمقلاة على النار وممكن اضافة زيت الزيتون بديل عن الزبد
ثم يضاف 3 ملاعق طحين ثم يضاف الحليب ثم المشروم
نفس طريقة الباشميل لكن نضيف عليها مشروم
نجهز المقلاة ونضيف ملعقة زبد او زيت ثم البصلة وتقلب لين تنضج
ثم يضاف ملعقة طحين ثم يضاف عليها صلصة المشروم
هنا الخليط معاً
نجهز المعكرونة بصحن عميق ونضيف لها التونة مع التوابل وقليل من البهار الحار
حسب الرغبة
ثم تضاف البازلاء المسلوقة
وتخلط المقادير معاً
ثم تضاف صلصة المشروم بالبصل
وممكن اضافة اى نوع جبن قشدى
ويجهز بصحن بايركس
وهذة صورة قريبة
وتضاف الموزاريلا
هنا خليط بقسماط مع ملعقتى زبد ذائب او زيت زيتون
يرش على الجبن مثل ماهو واضح بالصورة
وطبعاً تدخل الفرن فقط لتتماسك ويحمر الوجه
على حسب حرارة الفرن وماتأخذ وقت
وهذا شكلها 
والطعم كان رووووووووعة جدااا
اتمنى تجربوها وان شاء الله تعجبكم
وش المشروم اول مرة اسمعه
احلى تقييم
وايش الكلفة فيها ياقمر بالعكس كثير خفيفة بعملها وماتاخد وقت
والمشروم هو الفطر او عش الغراب
وبيكون طازج ومعلب وينباع بكل البقالات والسوبر ماركت
وهذى صور له
اسعدنى مرورك ياقلبى
انا اعرف الصلصة العادية
المكرونة لازم هذي او غيرها
حقتنا سباقيتي اللي تجي عيدان
ومتعودين عليها
التطبيق مادري عن اختي
لازم اختي تشوف الموضوع وتسويها
وانا انزلها
شغلها كليف اتوقع
حنا ماعمرنا سوينا اي مكرونة فيها مشروم
دايم اشياء عادية
وزين انك تسوين وصفات جديدة كل فترة
جربى وان شاء الله بتعجبك
هى نفس فكرة المعكرونة بالباشميل بس شوية اضافات زيادة مثل المشروم
وبدل اللحم صارت الحشوة تونة
والمشروم بيدخل بكثير اطباق وحتى بساندوتشات كودو والبيتزا وبوصفات كثيرررررة
وطعمه كثير طيب بصوص الباشميل
صلصة المشروم
نفس طريقة الباشميل بس انك تضيفى عليها المشروم
حنا هذي حقتنا ومانستغني عنها
سباقيتي المكرونة اللي بالباشاميل اعرفها
دايم نسويها ونكررها
التجريب مااعرف لازم اختي
وانا اللي اصور
مااعرفهن ساندوتشات كودو