ازيكم يا حلوين
انا النهاردة عملتلكم مكرونة بس جميلة ومتماسكة
وهقولكوا السر في ايه
والكل معزوم
نبدأ بالمقادير
اولا البشاميل
6 ملاعك كبيرة دقيق (كل ملعقة دقيق لها ملعقة زبدة)
6 ملاعق كبيرة زبده
مكعب ماجي
ملح وفلفل
كيلو لبن
125 جم او اكتر جبن فلامنك او ايدام
ونعصج اللحمة
بصلة مقطعة
ربع كيلو مفروم
فلفل رومي مقطع
زيت زيتون أو أى نوع متوفر عندك
صلصة طماطم
وملح وفلفل وبهارات
الحشو
زيتون
طماطم فلفل اخضر وحار
كاتشب
+اللحم المتعصج
وطبعا كيلو مكرونة اقلام مسلوقة
الطريقة
نقدح السمن أو الزبدة
ونضيف الدقيق ونقلب
ونضيف مكعب المرق وندوبه
نضيف اللبن ونقلب كويس جدا
ونضيف بعض الماء لتخفيف الصوص شوية
نضيف الجبنة الفلامنك المبشورة
(وده السر الخلطة )
الجبن بتخلي الطعم خطير ولا فنادق الخمس نجوم
نسلق المكرونة ونصفيها فقط
مش نحط عليها مية حتى لايضيع النشا والبشاميل يكون منفصل
نحط طبقة بشاميل في الصينية
ونحط المكرونة ونرشها بقليل من البشاميل مرة اخرى
ونضيف اللحمة المتعصجة
ودى طريقة العصاج
بقطع بصل مكعبات صغيرة والفلفل في قليل من السمن
علشان تبقى خفيفة من الدهون
وبعد ما يصفر نضيف اللحم والتوابل والبهارات ولما يدخل فى السواء نضيف
صلصة الطماطم اللى هى معجون الطماطك وده اختيارى
نضيف اللحم المعصج فوق المكرونة
ونضيف الطماطم الفلفل الزيتون
والكاتشب
وانا كان عندي مودزيريلا ضفت شوية (حسب الرغبة)
نضيف طبقة المكرونة وفوقها باقى البشاميل
وترجى الصينية علشان البشاميل يتغلغلفى المكرونة
وندخلها الفرن على طول بس يكون الفرن ساخن وده سر نجاح المكرونة
وده الشكل النهائى
وده رول فراخ بطريقتى
نص كيلو بانيه
تكون رفيعة مش تخينة ولو جبتيها وطلعت تخينة
بدقدقها شوية شوية
عشان تبقى رقيقة وماتبقاش نية من جوة
دقيق وفيجيتار
فلفل رومي مقطع- زيتون شرايح
مودزريلا
بيضة
لانشون فراخ مدخن وممكن سوسيس متحمر
بصلة مبشورة ناعم
الطريقة
نتبل البصلة بالملح والفلفل والتوابل وكبيبة صينى وليمون
وونحطها على الفراخ ونتركها في التلاجة مش اقل من ساعتين ممكن اكتر
نخرجها من التلاجة ونحط قطعة قطعة في الدقيق من الوجهين
(اختاري القطع العريضة )
نحط فوق القطعة بطولها اللانشون والجبنة الموزاريللا والزيتون
ونبدأ نلفها رول مع محاولة قفلهابخلة مؤقتا
ونقفلها بخلة مؤقتا عشان لو ساحت الحبنة ماتخرجش برة
نحطها في البيض المخفوق مع ملح وفلفل
وبعدين في الفيجيتار
وعلى طول نقليها
نقليها في زيت سخن وغزير وتهدى النار خااااالص علشان تستوي براحتها
يعني ممكن نسيبها كل جهة ربع ساعة او عشرين دقيقة
لغاية ما تستوي تماما وتحمر
وده الشكل النهائى
يا رب تعجبكم
بحبكم في الله
اية الاكل الحلو دة بحبهم قوى الاثنين المكرونة والبانية
شكلهم لذيذ بس الرجيم اعمل فية اية
خلاص مفيش رجيم النهاردة
لانة فية عشوة حلوة مستنيانى عند المحبة
سلمت يداك حبيبتي
وطبعا أنا كتير بحب هالأكل
بس بيتهيألي بالنسبة لرول الدجاج كتيييير ربع ساعة لكل جنب لأن انتي عارفة كمان إنو الصدور بتستوي بسرعة
تسلم إيدك حبيبتي وأحلى تقييم لعيونك
وطبعا حتي في الرجيم بعمل المكرونه الباشامل
لكن للاسف ببعد عن الفراخ البانيه لانها بتتحمر
متعرفيش طريقه تانيه لعمل الرولات دي من غير قلي ممكن يعني اشويها في الفرن ولا متنفعش
بصراحه شكلها روووووووووووووووعه ونفسي اجربها
وان شاء الله احط كمان الزنون والفلفل والموتزريلا للمكرونه اكيد هتطلع مختلفه في الطعم عن المكرونه تغيير
الف شكر حبيبتي علي الافكار الحلوه دي يارب اطبقها
وشكر تاني واعجاب للتوقيع ربنا يصلح الاحوال في مصر يااااااااااااااارب
احلى شي
بس للاسف عاملة دآيت
خخخخخخخ ^^
يعطيك العافية محبة
سلمت يداااك