السلام عليكم ورحمه الله وبركاته
النهارده هنزل طريقة للكفته سهلة وسريعة وكمان اقتصادية
هقولكم على مقادير تكفى شخصين وممكن يتبقى مع العشا
المقادير
1- ربع كيلولحم مفروم
2- بصله متوسطه مفرومه ناعم
3- معلقة خل كبيره
4- بيضه
5- معلقتين بقسمات
6- ملح -فلفل-بهارات لحمه
الطريقه
نضع كل المقادير مع بعض ونخلط كويس اكننا بنعجن علشان تمسك فى بعضها…. زى كده
نجيب صنيه فيها معلقة زيت أو سمن صغيره
ونصبع الكفته على حاجه رفيعه ايد معلقه خشب أو قلم ونحطها فى الصنيه
ونعمل باقى المقدار وبتبقى كده
نحطها فى فرن على درجة حراره متوسطه من تلت الى نص ساعه بس خلاص
لا لا عايزه اقولكم عل حاجه كمان
متفرميش اللحمه والبصل مع بعض ياريت اللحمه تكون مفرومه جاهزه والبصل يفرم ويضاف اليها
لو اللحمه ممسكتش كويس ممكن تزودى شوية بقسمات صغيرين اوتحطيها براحه وهى هتلم فى الفرن
ساعات اللحمه بتستوى من تحت ولسه من فوق بحط صنيه اصغر فيها شوية ميه والصنيه اللى فيها الكفته فقها تستوى براحتها من غير ميتحرق القاع
كمان أنا بضيف جنزبيل مع الملح والفلفل على كل حاجه لانه مفيد بس انا قلتلكم على كل حاجه بعملها و يارب تتطلع حلوه وتعجبكم
-متنسوش الدعاء
خدي الوسااام واديلي
و بعتدر لكن فيه غلط
اللحمه مش لشخصين يدوب لنهوووووووووله
صححي الغلط ده
احلى تقييم واعجاااااااااااااااب يا شيف لبنى 
أنا كلى ملك ايديكى مش الكفته بس والكفته كلها لنهلة ده قصدى
تسلمى ياحبيبتى دايما زوق
وشكرا جزيلا للوسام ياقمر
تسلمي حبيبتي
ولك احلي تقييم
وصفة سهلة وشهية
ما شاء الله
تقبلي اعجابي وتقييمي
لا عدمناك