السلام عليكم
بليييز يا بنات لو أي واحدة تعرف علاج لمسمار القدم أو الكالو تفيدني …. لأن أنا ظهر لي واحد في رجلي بسبب اني طول النهار برا البيت في الجامعة مع الحر و الاهمال ظهر لي في رجلي … مع العلم اني جربت كل الوصفات و برضه مفيش فايدة … لو أي واحدة جربت حاجة و فاتدها ياريت ماتبخلش عليا و تقولي
السلام عليكم
شوفى بقى انا عندى حل لكالو القدم
لانى بعانى منه دايما وبيسبب لى ازمه فى لبس الكعب العالى لانه بيطلعلى فى باطن القدم بعد الاصابع مباشرة
طبعا حله الدواء
بتروحى الصيدليه وتسئلى دواء اسمه (كورنيد ) هو سائل فى زجاجة
مفروض انك تستعمليه مرتين يوميا
قبل ما تحطيه تكونى محضره ميه سخنه او دافئه تضعى قدمك فيها علشان تفتحى مسام الجلد حوالى خمس دقايق
بعد كدة تنشفى رجلك من الماء وتحطى الدواء
تعملى الحكايه دى اول ما تصحى من النوم الصبح
وبرضه بالليل قبل ما تنامى مباشرة
بعد يومين او تلاته هتلاحظى الفرق ان الجلد بتاع الكالو مات قوم تنزعيه ( الجلد الميت طبعا ) هيكون الحكايه دى سهله ان شاء الله
وابقى ادعليى بقى
ميرسي يا قمر ربنا يخليكي … أنا علطول هبعت أجيب الدواء و أجربه … و أكيد هدعيلك .. متتصوريش الموضوع ده كان عاملي احراج قد ايه … أنا وصلت لدرجة أني بلبس شراب طول يوم … مرة تانية ميرسي أوي و ربنا يجازيكي كل خير
شكرا يا قمر
بالتوفيق ان شاء الله
ودائما نزلي تجاربك الجميله هذه لنا
موفقه بإذن الله … لك مني أجمل تحية .