![دار](http://img144.imageshack.us/img144/5288/21065lzp5u5krh4.gif)
ازيكم يا حبيباتي؟ وحشني القسم ده جدا
انهرده جايبلكم وصفة كنت شفتها في كتاب ممتاز عن تغذية وصحة الاطفال اسمه Fit Kids وهي بسيطة جدا وفي نفس الوقت مغدية للاطفال
المقادير :
125 جم زبدة (حوالي نص كوب) تكون بحرارة الغرفة
200 جم سكر (كوب)
بيضة
واحد ونصف كوب دقيق
نصف م ص بيكنج صودا(ساعات باستخدم البيكنج باودر)
نصف م ص جوزة الطيب (اختياري)
تفاحتين مقشرين ومقطعين شرائح رفيعة جدا
بمنتهي البساطة تضربي الزبدة مع السكر في الفود بروسيسور حتي يذوب السكر تماما ويصبح الخليط كريمي
وفي بولة تخلطي الدقيق مع البيكنج صودا وجوزة الطيب
وبعدين تضيفي الخليط للدقيق وتخلطي باستخدام السباتيولا حتي يصبح كده
ثم تضيفي التفاح وتقلبي مرة تانية
(ملحوظة: العجينة بتكون متماسكة اكتر من عجينة الكيك العادي)
ضعيها في صينية مدهونة وساوي الوجه بظهر معلقة
بعد كده تجهزي ربع كوب سكر بني+نصف معلقة قرفة + عين جمل مجروش وتخلطيهم لوحدهم وتضيفيهم علي وجه الصينية وتضغطي بخفة عليهم حتي يلتصق بالعجين بالشكل ده
ويخبز في فرن 180 (مسخن مسبقا) لمدة نصف ساعة او حتي تحمر الحروف ولو محتاجة تشغلي الشواية عشان تحمري الوش (انا مش احتجت)
وطلعت كده
وبعد ما بردت قطعتها مستطيلات كده
وان شاء الله لو جربتوها تعجب ولادكم (وبتعحب الكبار كمان لان جوزي بيموت فيها)
اشوفكم بخير
شكلهاا يشهي .. تسلم ايدك حبيبتي
تقبلي مروري وتقيمي
تسلم الاياااادى حبيبتى على الوصفة اللذيييييذة..
![Smile21 دار](images/smilies/smile21.gif)
ان شاء الله اجربها..
تقبلى مرورى و تقييمى..
تسلم الاياي الحلوه الي طبخت
ربنا يسعدك ويباركلك في ابنك
احمل وسام واعحاب و تقييم لعيونك
شكلها طيب يسلموا