يا رذاذ الورد

لو قدرت تعيش فيني ياحبيـب…
…اسكن بصدري وكوّن انسجام

من زمـان البرد يجبرني اغيـب…
…من زمان الليل خيّم والظـلام

من زمان الحرف خلاّني أجيب…
…مفردات الحزن حتى الانهـزام

انعدم صوتي وأنهاني النحيـب…
…اندثـر قصري وما باقي ركام

اسمعه في يم أمـواجه يصيـب…
…اغرق بهمّي و لا أقوى الكلام

في شبابي بس اقرب للمشيـب…
..في زهر عمري وعمري لانعدام

غيّمت دنياي و افراجي قريب…
…استهل الغيث و اسراب الحمام

يا ندى زهري تكفى لا تغيب…
…لأنك اللي ارتوي منه الغمـام