الموهم بدش في الموضوع يمكن يكون طويل بس ياريت اي احد يدش مايبخل برد ولو كان بسيط !
بداية انا يمكن هاي تكون اول مشاركه لي في هل منتدى او انا ماسجلت الا علشان اشارك وياكم
بس انتو مب غريبين علي انا كنت اتابعكم من فتره واجوف تجاربكم ومعاناتكم من السمنه
وانا وحده مثلهم ونفسكم اعاني منها !
انا عمري مافكرت ولا تجرأت اين اكتب معاناتي ! ولا احب اقول حق احد وزني وطولي وكله ابين اني عادي
بس بما اين شاركت وحبيت افتح لكم قلبي ياريت ماتخذلوني وتعطوني ردود تبرد القلب «ادري صدعت راسكم
بداية :
انا عمري 18 سنه .،
انا اصلي اساسا من يوم صغيره ضعيفه وايد ! وكانت امي تقول ما اكل ويوم ودلوني حطوني بالحضانه من زود ماني نتفه
وكبرت ابتدائي كله انا ضعيفه ! بس ياتني فتره على صف السادس قمت كل يوم اكل جبس وكاكو وخرابيط ! زاد وزني وايد وصلت لي 70 !
وانا صغيره طبعا مارضيت على نفسي اروح المتوسطه وانا جذي ! دشيت جيم واشتركت ومن صجي كنت العب واسوي رجيم وبحكم اين ضغيره كنت
انزل بسرعه بسرعه يعني في الاسبوع والله عادي 5 كيلو وتميت 59 على مرحلة المتوسطه كلها وانا طولي 160 . والكل ماشاء الله يمدحني
ويقول انا جميله انا بيضه وشعري طويل وملامحي حلوه كان كلشي فيني حلو ! عاد يوم دشيت الثانويه طحت بربع يموتون ع الاكل
كليت وكليت وياهم لين انبطيت خذت عادات ماكنت اسويها كل يوم فاست فود ! غدا عشا كله من برع ! زدت زدت بشكل فضيع على هل ثلاث السنين انا وصلت 95 !
والله بصيح !
بس طبعا انا ماكنت ساكتع !و بس مستهتره اسوي رجيم اسبوع واقطعه ارادتي ضعيفه ! وربعي كلهم يقولون انتي حلوه ومايتوقعون اني هالوزن ! لانه على شكلي كني ب 70
بس انا تعبت نفسيا ! امي وخواتي كله يحبطوني ِ انا الوحيده الي بطه بالبيت ! وابوي يقول شفيج انتي منتفخه =( انا بصراحه وايد وايد انجرح بس ماحب اني ابين .. واختي
وايد تقولي خاطري اجوفج ضعيفه كانت تصيدني عزيمه اسبوع وافشل ! وعقب رحت حق اخصائيه و عطتني نظام غذائي سويته اسبوعين ومليت وسجلت جيم وطلعت بعد
بس انا تعبت نفسيتي وايد وايد محد حاس فيني ! كل الي حولي مايفتكرون وانا ماحب ابين نقاط ضعفي حق احد !
خصوصا لما اروح اشتري ثياب وايد وايد انقهر ! والله معني احصل قدي بس مافي شيء حلو علي =( والله تعبت ! وايد
قعهدت ادور في منتداكم واكثر من منتده عن الاراده والنظام الصحيح وجفت تجارب وايد بنات او وايد تمنيت اني اكون اكتب تجربتي مثلهم
نزلت 45 كيلو واكتب لكم تجربتي ! وايد وايد خاطري هل شيء
طولت عليكم وايد اادري .. بس انا اخر قرار اخذته خذت الاراده القويه اين ان شاء الله بعد العيد راح ابدي بنظام صح ! ورياضه ضحيحه
انا قريت واتخذت معلومات وايد بس انا ماكتبت الموضوع الا ابي منك رايكم ونقاشكم وياي وتشجيعكم تكفون ابي ردود ماتخيب ضنوني !
ابي مساعدتكم لانه ادري ماتخيبون ظني .. مثل مافتحت لكم قلبي ريحوني =( ..
كل شيء تعرفونه وكل شيء تحسونه ينساب ذكروه وحتى تجاربكم قولوها والي مثلي تكتب والي كانت وصارت احسن منا تساعدنا
ناطرتكم ومسامحه طولت عليكم بس صج صج حسيتكم بتساعدوني
وامانه عليكم اي وحده تدش تدعي لي =( تدعي انه الله يضعفني بصحه ويخليني رشيقه وانا بدعي لكم كلكم ان شاء الله كل سمينه تضعف
وان شاء الله ناطره ردودكم
بحفط الله
وسامحوني ع الخط صغير ومو منسق بس اعذروني من البلاك بيري ومايتنسق هههه
D
Dp
وارجوا انكم تعطوني حل انا كمان في موضوعي (ابغى حل)
اذا ما عندك مشكله مشكوره تبسمت ذات الحجاب
وينكم ؟ معقوله بس هل ردود