محتاجه,معلوماتكم 2024.

السلام عليكم
شلونكم ان شاء الله بخير
يابنات اني من زمان جان وزني 76 وسويت دايت فقط من غير رياضه وصار وزني 66 ووراها لعبت على الاوربتراك وصار وزني 64 وراها سافرت وخربت كلشي وورة تقريبا 7 اشهر صار وزني 69
وقررت ارجع للرجيم بس هالمرة ما رحت عند دكتور واني بديت اقلل اكلي وما اكل مقليات واقلل نشويات والعشا اقلله جدا واعتمدت هالمرة على الرياااااااضه لان رغم انو وزني صار 64 وان طولي 165 بس ما جان عاجبني شكلي لان لازم رياضه
بديت من يوم 1-7 رياضه يعني صارلي 3 اسابيع والرياضه عباره عن ساعه ونص مشي سرييع و صعود السلم مده ربع ساعه وبين يوم ويوم او كل يومين تقريبا اوربتراك نص ساعه او 40 دقيقه
ووزني ما نزل غير كيلو واحد !!!!!!!! وقبل لما كنت اسوي دايت فقط جان ينزل بالاسبوع على الاقل كيلوين !!!
شنو السبب والله اني محبطه جدااااااااا لان دوامي ب 1-10 ولازم اكون رفيعه قبل الدوام لان خلال الجامعه ما اكدر امارس الرياضه ابداااااااا لان ماعندي وكت كله دراسه بالليل وجامعه الصبح
خايفه استمر بالرياضه ووزني يضل ما ينزل ويجي شهر رمضان ويخلص ويجي شهر التاسع ويخلص واني مثل ما انيييييييي بدون تغيير
رجاءا اي وحدهحد عندها خبره بهالمجال ومجربه هالشي تطمني لان والله زهكككت
عمري مالعبت رياضه وهاي اول مره تقريبا تعتبر وانصدم بانو وزني ماينزل غير كيلو ب 3 اساابيع وحتى هذا الكيلو مو ثابت يصعد وينزل كل يوم
:((

شكرا شمعه قلم تسلمين حبيبتي على ردج وعلى الرابط

منايا : بالنسبه للقياس بالمتر كل اسبوع دا انزل 1 سم تقريبا
يعني اني صارلي 3 اسابيع كان عرض الورك 115 وصار 112
بس الوزن هوة هوة ما نزل
تسلمين حبيبتي كلامج ريحني كلش مشكورة على الرد