لكل العرايس افرحى بجهازك وفرحى غيرك 2024.

ممكن تردى السلام علشان تاخدى ثواب
قولى وعليكم السلام ورحمه الله وبركاته

ازيكم يا احلى عرايس
ربنا يتمملكم بخير يارب وعقبالى وعقبال كل الانسات يااااارب

انا كل ما تجيلى فكره كويسه بجرى على طول اقولهالكم وربنا يجعلها فى ميزان حسناتنا ياارب

طبعا العرايس كلها وربنا يوسع رزق الجميع يارب بتجيب كل حاجه فى جهازها جديده وحتى لو عندها حاجه مستعملتهاش لاازم برضه تشترى غيرها فجاتلى فكره جمييييله اوى اوى

لو انتى عندك اطقم غاليه عليكى , ليها عندك ذكرى متقدريش تسيبيها اوكـ والباقى بقى تغسليهم كويس اووووووووى وتكويهم وترتبيهم وتطلعيهم لواحده جارتك لقريبتك وطبعا ياريت نراعى مشاعرهم يعنى لو لبس كويس ومش متبهدل
وممكن مثى تظبطى انتى طقم من لبس عندك زى دول وتديهم لحد محتاج على اساس يبقى طقم كامل وشيك وياه بقى لو مش محتاجه الشوز بتاع الطقم والايشارب يبقى طقم كامل وربنا يجعله فى ميزان حسناتك

ايشاربات

شوزات

وقيسى بقى على كده كل حاجه مثلا عندك سيشوار وجبتى جديد اديه لقريبتك بدل ركنته وانتى كده كده هتجيبى غيره

القصد احنا فى فرحنا منفرحش لوحدنا على طووول نشارك غيرنا نقسم فرحنا معاهم

لو بنوته عملت كده هتبقى هى ليله فرحها فرحانه وفرحت 5 بنات واكتر كمان تخيلى بقى حجم الفرحه اللى هتبقى فيها

ومش لازم عروسه تعمل كده لا احنا عموما فى الحياه بقى اى حاجه مش محتاجنا ولاااازم زى ما قولت تبقى كويسه يعنى مش متقطعه ومتبهدله لا علشان ربنا يكرمنا وناخد ثواب

ومش لازم برضه تون قديمه لو عروسه نازله تجهز وعارفه ان جارتها او صاحبتها او قريبتها ظروفها صعبه ونفسها فى حاجه معينه تجيبهلها هديه وبرضه ربنا يجعله فى ميزان حسناتها

ملحوظه يا بناويت لو عندك مثلا باديهات او بلوزات او اى لبس ضيق بلاش تديه لحد خليه تلسيه لما تتجوزى علشان بس متشليش ذنب حد يعنى اللى تساعدى بيه يبقى فضفاض ومناسب

لو عاجبتكم الفكره شير فى الخير انقلوها لكل المنتديات اللى مشتركين فيها وعلى الفيس ربنا يجعله فى ميزان حسناتكم يااارب