حبيباتى الغاليات هقدم لكم اليوم كيكة شكولاتة تحفة تذوقتها عند زوجة اخى و عجبتنى جدا قولت اجيب لكم الطريقة منها و نجربها مع بعض و هلى فى منتهى السهولة
اول حاجة تجهزى المقادير و هى :
كوب زيت
كوب حليب
كوب دقيق
كوب سكر
3ملاعق كبيرة كاكاو خام
باكوا بكنج بودر كامل
3 بيضات
3 فانيليا
الطريقة :
تضعى فى الخلاط الحليب و الزيت و و السكر و الكاكاو و تضربيهم كويس جدا الى ان ينسجما جيدا
و بعدين فاضى منهم كوب كامل و ضعية فى الثلاجة
و بعدين حطى على اللى باقى فى الخلاط 3 بيضات و الفانيليا و اضربيهم تانى كويس جدا و بعد الانتهاء من الضرب ضعى الدقيق و البكنج بودر و ذرة ملح
و تكونى مسخنة فرن كويس ادهنى صنية و بطنيها بالدقيق و ضعيا فى الفرن و اظبطى الفرن على درجة 180 و اتركيها لحد ما يستوى و بعدين بعد ما تخرج من الفرن سبيها ساعة تبرد و بعدين اقلبيها فى طبق و ضعى على وجهها الصوص اللى وضعتية فى الثلاجة و افرطية عليها و الله طعمها رائع و الاطفال عندى اتهبلوا عليها
و بالهنا و الشفا
انا بعملها كدة بالضبط
بس بحط زيادة كمان ملعقة نسكافية مع الكاكاو
ومش بشيل كوب واحد
لا
بشيل نصف الكمية علشان الصوص اللي عليها يكون كتير
بتتطلع تحفة
والعائلة كلها بقت تطلبها مني باستمرار
حلو وروعه بس ياليت فيها صور تشكرين
بجربها ان شاء الله,,,