مساء الكيكة يا قمرات
أنا انهاردة جبتلكم كيكة سهلة قوي وعمايل إدية 
…وعلشان خاطركم صورتها من مطبخي الخاص ..هو مش مطبخي مطبخي يعني 
…هو مطبخ ماما ..بس أنا وماما حاجة واحدة …وان شاء الله الكيكة تعجبكم ..بس لازم تقولوا لي رأيكم فيها …ولااااااااااااااااااااااااااااااااازم تجربوها
المقادير:
5بيضات
1كوب سكر
2ونص كوب دقيق
1معلقة كبيرة بيكنج بودر
نصف كوب زيت
نصف كوب زبدة
أول حاجة هانحط السكر مع ال5 بيضات ونضربهم ضرب مبرح
نفضل نضربهم لحد ما يهيشوا ويبقوا بالشكل ده(ناس ما بتجيش غير بالضرب)
وبعدين نضيف الزيت براااااااااااااااحة …
وبعدين نضيف الزبدة تدريجيا
ونفضل نضرب لحد ما الزبدة تتخلط كويس أوي وهايكون الخليط بأة بالشكل ده
نضيف البيكنج بودر على الدقيق
نضيف الدقيق تدريجيا على خليط البيض
وبعد ما نضيف الدقيق كله ..الخليط ها يبأة شكله كده
هانضيف الخليط بس مش كله ..(هانسيب شوية علشان نزود عليهم كاكاو) في صينية متلحوسة ..(قصدي مدهونة زيت)
وآدي الشوية اللي ضفت عليهم الكاكاو
[IMG]http://img509.imageshack.us/img509/1765/200804260***50x187sr0.jpg[/IMG]
هانوزع الجزء اللي بالكاكاو بشكل عشوائي على الجزء الأبيض
وبعدين نشكله بالسكينة بالشكل ده
وندخل الكيكة الفرن على درجة حرارة 180 ونتركها لمدة نص ساعة
وآدي 3 حتت مرة واحدة للي هاترد الأول
وعلى فكرة ممكن ما تحطيش كاكاو خالص لو مش بتحبيه
وممكن كمان لو بتحبيها بطعم الينسون تضيفي 2معلقة كبيرة ينسون ولكن تضيفيه بعد الزبدة على طول ..وممكن بعد كيكة الينسون ما تطلع تقطعيها شرائح وتحطيها تاني في الفرن عشان تحصلي على بسكوت ينسون
وبألف هنا وشفا
منقول
بكفي قطعة وحدة والباقي للصبايا الحلوين الي حيردو بعدي
وبالهنا والشفا
