بسم الله الرحمن الرحيم
السلام عليكم يا احلي اخوات في الله
حبيت اشاركم تجاربي في الرياضه وكيف بديته
طبعا قريتو كيف وزني زاد في تجارب الرجيم وكيف من 70 بقيت 110
وكيف اجتهدته ونزلته وزني لي 79
حا اكي ليكم كيف بديت الرياضه
بديت اول شي بالمشي والمشي والمشي لان المشي
يعتبر من أفضل أنواع الرياضات التي تستطيع أن تبدأ بها برنامجك الرياضي خاصة إذا لم تكن تزاول الرياضة سابقاً..
وكل ما تحتاجه للبدء هو حذاء مريح وملابس قطنية مريحة وفوطه للوجه
اول ما بديت المشي كنت بمشي علي
بس الاجواء عندنا هنا ممطره ومثلجه دائما مابتقدري تمشين فيها
بس هي اكتر فتره استمتعت فيها بالمشي كنت بمشي مسافه ساعه من البيت وساعه رجعه ودا ئما كنت بمشي شويه شويه
وبزيد بالتدريج ومرات هرورله
وعن جد استفدت خالص حسيت اني بقيت خفيفه ورشيقه والتعب والاجهاد بدا يخف يوم بعد يوم
وكلما عملت رجيم وانا بمشي جسمي بحس بيهو مشدود ومافيهو اي ترهلات
بعد ماعملت اول رجيم لي كنت بعمل الرياضه اكتر من 3 ساعات باليوم و3 ساعات كانت مشي
ربي يوفق ام فيصل والزهره اليانعه
افادونا كتير بالمسابقات ربي يفيدم يارب ويحقق اهدافم ونشوفم بخير يارب
بعد كدا عرفت طريق الجم
واخدت المعلومات والارشادات كامله من الكوتش وكيف يكون التمرين وكيف انزل وزني وكيف احافظ علي صحتي
وبديت المشي علي
طبعا اختكم عامله فيها زوله رياضيه وكانت بتمشي وكدا وانا كل المشيتو 25 يوم اقل من شهر
طلعت في جهاز السير ورفعت السرعه والمستوي
جاني ليك الكوتش وقال لي دا اول غلط ترتكبيهو في الرياضه حتي لو بتمشي كل يوم هنا لا لازم تمشي بالتعليمات وكانت كالاتي
اولا لازم تجيبي معاك من 2 لي 3 لتر ماء
ثانيا تكوني ماكله وجبه خفيفه قبل بداء التمرين بنص ساعه
ثالث شي ماتجي كل يوم من 3 لي مرات في الاسبوع
رابع شي ماتعملي التمارين في مواعيد محدده يوم في الصباح ويوم في الظهر ويوم في العصر
خامس شي لازم اتمرن بعد العشاء نص ساعه واخد شور وانوم عن جد متعه ماعاديه جربوها وادعولي
سادس شي اعمل التمرين لمده 5 ايام 20 دقيقه فقط وما ازود السرعه ولكن ازود الارتفاع كل خمس دقائق درجه يقصد بيهو العله زي الطالعه جبل
سابع شي وقال دا اهم شي انو لازم اعمل تسخين
وكانت عباره عن تمارين بسيطه الوقوف مع ثني الرجول ورفع اليدين الي الامام
رفع رجل وتنزيل رجل مع التبديل وكل تمرين لمده 30 ثانيه
اهم شي بقولو ليكم هنا في 30 ثانيه ماتحسبي تقولي واحد 2 3 لا
سبحي الله عن جد دا الكان بصبرني علي التمارين وطبعا
كنت بعمل جميع الالات بعد شهر ونص قبل كدا كانو 5 فقط حا اشوقكم في الصفحات القادمه مع التمارين الاخري هههههه
يارب يارب اكون افدتكم ولو بي حرف مع خالص حبي وتقديري
بحبكم في الله
تجربة رائعة ام روان
بارك الله فيكى ياحبيبتى
ربنا يوفقك ياغالية وتوصلى للوزن الى تحبيه
مبروك الوسام مقدما
ما شاء الله عليكي ام روان ربنا يحقق كل احلامك وخاصه حلم الرشاقه ان شاء الله تعالي
بارك الله فيكى ياحبيبتى
ربنا يوفقك ياغالية وتوصلى للوزن الى تحبيه
مبروك الوسام مقدما
الروعه طلتك حبيبتي
وبارك ربي فيك ياقمر
يارب كلنا نوصل لهدفنا
تتوسمي بالخير يارب
الله لاضراك حبيبه
ويحقق امانيك يارب
يارب يارب زهجنه من السمنه والبدانه
ما شاء الله عليكى
يارب دايما للا مام
تستحقى التقييييييييييييييم
